న్యూజిలాండ్తో జరిగిన తొలి టెస్టులో ఘోర వైఫల్యాన్ని మూటగట్టుకుంది టీమిండియా. 10 వికెట్ల తేడాతో ఓడిపోయి సిరీస్లో 0-1 తేడాతో వెనకపడింది. అయితే మ్యాచ్ అనంతరం మాట్లాడిన భారత జట్టు సారథి విరాట్ కోహ్లీ తొలి ఇన్నింగ్స్లో బ్యాటింగ్ వైఫల్యమే కొంపముంచిందని అభిప్రాయపడ్డాడు.
"మేం 220-230 స్కోర్ చేసినా సరిపోయేది కాదు. తొలి ఇన్నింగ్స్లో చేసిన తక్కువ పరుగులే మ్యాచ్‌లో మేం వెనుకపడేలా చేశాయి. అలాగే కివీస్ తొలి ఇన్నింగ్స్లో భారీ ఆధిక్యం సాధించి భారత్‌ను ఒత్తిడిలోకి నెట్టింది. అయితే, పృథ్వీషా విషయంలో తొందరపడాల్సిన అవసరం లేదు. అతను ఓవర్‌సీస్‌లో ఆడింది రెండు టెస్టులే కాబట్టి భవిష్యత్‌లో కచ్చితంగా రాణిస్తాడు. అలాగే మయాంక్‌ అగర్వాల్‌ ఒక్కడే రహానె తర్వాత బ్యాటింగ్‌లో నిలకడగా రాణించాడు. మా బౌలర్లు రాణించేందుకు వారి ముందు పెద్ద స్కోర్ ఉంచాల్సింది కానీ, ఈ మ్యాచ్‌లో మేం అదే చేయలేకపోయాం. తొలి ఇన్నింగ్స్లో కివీస్ ఆధిక్యాన్ని 100లోపే కట్టడి చేయాలనుకున్నాం. చివరి మూడు వికెట్లు తీయడంలో బౌలర్లు విఫలమయ్యారు.