బాదేసిన కివీస్ బ్యాట్స్​మెన్.. భారత్ లక్ష్యం 204

న్యూజిలాండ్​-భారత్ మధ్య జరుగుతోన్న మొదటి టీ20లో తొలుత బ్యాటింగ్ చేసిన కివీస్.. నిర్ణీత ఓవర్లలో 203 పరుగులు చేసింది. కొలిన్ మున్రో, విలియమ్సన్, టేలర్ అర్ధశతకాలు చేశారు.

భారత్​తో జరుగుతోన్న తొలి టీ20లో కివీస్ బ్యాట్స్​మెన్ అదరగొట్టారు. నిర్ణీత 20 ఓవర్లో 5 వికెట్ల నష్టానికి 203 పరుగులు చేశారు. టాస్ ఓడి, బ్యాటింగ్​కు దిగిన​ న్యూజిలాండ్​కు ఓపెనర్లు శుభారంభానిచ్చారు. తొలి వికెట్​కు మున్రో-గప్తిల్.. 80 పరుగుల భాగస్వామ్యం నెలకొల్పారు. అనంతరం గప్తిల్​ (30) పెవిలియన్ చేరాడు. బౌండరీ లైన్​ వద్ద రోహిత్ పట్టిన ఇతడి క్యాచ్​ మ్యాచ్​కే హైలెట్​గా నిలిచింది. మున్రో మాత్రం ఎడాపెడా బౌండరీలతో విరుచుకుపడ్డాడు. 42 బంతుల్లో 59 పరుగులు చేసి ఔటయ్యాడు. గ్రాండ్​హోమ్ (0) వెంటనే వెనుదిరిగాడు.

అనంతరం సారథి విలియమ్సన్, టేలర్ భారత బౌలర్లపై ఎదురుదాడికి దిగారు. ఈ క్రమంలో విలియమ్సన్ అర్ధసెంచరీని పూర్తి చేసుకున్నాడు. అనంతరం 51 పరుగుల వద్ద చాహల్ బౌలింగ్​లో ఔటయ్యాడు. టేలర్​ కూడా హాఫ్ సెంచరీతో ఆకట్టుకున్నాడు. 54 పరుగులతో నాటౌట్​గా నిలిచాడు. ఫలితంగా కివీస్ నిర్ణీత 20 ఓవర్లలో 203 పరుగులు చేసింది. భారత బౌలర్లలో బుమ్రా, చాహల్, దూబే, ఠాకుర్, జడేజా తలో వికెట్ తీశారు.