మూడో రోజు ఆట పూర్తి- ఆసీస్​కు 54 పరుగుల ఆధిక్యం​

గబ్బా టెస్టులో మూడో రోజు ఆట ముగిసేసరికి భారత్​పై ఆసీస్ 54 పరుగుల ఆధిక్యంలో ఉంది. తొలి ఇన్నింగ్స్​లో భారత్ 336 పరుగులకు ఆలౌట్​ అయింది. ​రెండో ఇన్నింగ్స్​ ప్రారంభించిన ఆసీస్​ వికెట్​ కోల్పోకుండా 21 పరుగులు చేసింది. క్రీజులో వార్నర్​(20), మార్కస్​ హ్యారిస్​(1) ఉన్నారు.

భారత్​-ఆస్ట్రేలియా నాలుగో టెస్టులో మూడో రోజు ఆట రసవత్తరంగా ముగిసింది. ఆదివారం ఆట చివరికి భారత్​పై ఆసీస్​ 54 పరుగుల ఆధిక్యంలో కొనసాగుతోంది.

ఓవర్​నైట్​ స్కోరు 62/2 మూడో రోజు ఆటను ప్రారంభించిన భారత్​.. ఆసీస్​ బౌలర్లను దీటుగా ఎదుర్కోంది. ప్రధాన బ్యాట్స్‌మెన్‌ పుజారా(25), రహానె(37), అగర్వాల్​(38), పంత్​(23) పెద్దస్కోర్లు సాధించికపోయినా.. ఆ తర్వాత క్రీజులోకి వచ్చిన ఠాకూర్​(67), సుందర్(62) అర్ధశతకాలతో రాణించారు. గబ్బా మైదానంలో ఏడో వికెట్​కు 123 పరుగుల భాగస్వామ్యం నెలకొల్పి రికార్డు సృష్టించారు. ఠాకూర్​ అవుటైన అనంతరం.. టీమ్​ఇండియా మిగతా వికెట్లను వెంటవెంటనే కోల్పోయింది. ఆసీస్ బౌలర్లలో హేజెల్​వుడ్​(5), స్టార్క్​(2), కమిన్స్​(2), లయన్​ ఓ వికెట్​ దక్కించుకున్నారు. ఆసీస్​ తొలి ఇన్నింగ్స్​లో 369 పరుగులకు ఆలౌటైంది.

అనంతరం రెండో ఇన్నింగ్స్​ ప్రారంభించిన ఆసీస్​ ​వికెట్​ కోల్పోకుండా 21 పరుగులు చేసింది. క్రీజులో వార్నర్​(20), మార్కస్​ హ్యారిస్​(1) ఉన్నారు. ఫలితంగా ఆసీస్​ 54 పరుగుల ఆధిక్యంలో ఉంది.