నేను ఇక్కడున్నది ఐపీఎల్ కప్పు కోసమే: పాంటింగ్

ఈసారి ఐపీఎల్ కోసం ప్రాక్టీసు చేస్తున్న​ దిల్లీ ఆటగాళ్లతో కోచ్ పాంటింగ్​ తొలిసారి మాట్లాడాడు. తాను ఇక్కడున్నది కప్పు సాధించేందుకేనని స్పష్టం చేశాడు. అందరూ బాగా కష్టపడాలని చెప్పాడు.

ఏడు రోజుల క్వారంటైన్​ తర్వాత కోచ్​ రికీ పాంటింగ్.. దిల్లీ క్యాపిటల్స్​తో కలిశాడు. 4:20 నిమిషాల పాటు సాగిన స్పీచ్​తో ఆటగాళ్లలో ఉత్సాహం నింపాడు. తాను ఇక్కడ ఉన్నది టైటిల్​ సాధించిపెట్టేందుకే అని స్పష్టం చేశాడు. దీనితో పాటే పలు ఆసక్తికర విషయాల్ని పంచుకున్నారు. ఆ వీడియో మీరు చూసేయండి.

గతేడాది అద్భుత ప్రదర్శన చేసి రన్నరప్​గా నిలిచిన దిల్లీ జట్టు.. ఈసారి కప్పు కొట్టాలనే ఉద్దేశంతో బరిలోకి దిగుతోంది. గాయపడిన శ్రేయస్ అయ్యర్ స్థానంలో పంత్​ కెప్టెన్​గా నియమితుడు కావడం, ఇటీవల కాలంలో అతడు అదిరిపోయే ఫామ్​లో ఉండటం ఈ జట్టుకు కలిసొచ్చే అంశం. తొలి మ్యాచ్​లో భాగంగా చెన్నై సూపర్​కింగ్స్​తో ఏప్రిల్ 10న తలపడనుంది.