'పెళ్లికాక ముందు ప్రతి మగాడు సింహంలాంటోడే'

టీమిండియా మాజీ కెప్టెన్ మహేంద్ర సింగ్ ధోనీ నవ్వులు పూయించాడు. చెన్నైలో జరిగిన ఓ కార్యక్రమానికి హాజరైన మహీ.. భార్యభర్తల అనుబంధం గురించి సరదాగా వ్యాఖ్యానించాడు.

భారత క్రికెట్ జట్టుకు ప్రస్తుతం దూరంగా ఉంటున్న మాజీ కెప్టెన్ మహేంద్ర సింగ్ ధోనీ.. ఇటీవలే చెన్నైలో ఓ కార్యక్రమానికి హాజరయ్యాడు. తన భార్య సాక్షి సింగ్​ కోసం, భార్యాభర్తల అనుబంధం గురించి సరదాగా చెప్పాడు. ఈ మాటలు అక్కడున్న వారిలో నవ్వులు పూయించాయి.

"పెళ్లికాక ముందు ప్రతి మగాడు సింహంలాంటి వాడే. పెళ్లి ప్రాముఖ్యత 50 ఏళ్లు దాటిన తర్వాత తెలుస్తుంది. నా భార్య ఏం చేయాలనుకుంటే నేను చేయనిస్తాను. ఎందుకంటే తను సంతోషంగా ఉంటే నేనూ సంతోషంగా ఉంటా" -ధోనీ, టీమిండియా క్రికెటర్

ప్రపంచకప్​లో వైఫల్యం తర్వాత కొద్ది రోజులు ఆటకు విరామం ప్రకటించాడు ధోనీ. వరుస సిరీస్​లకు దూరమవుతూ రిటైర్మెంట్​ వార్తలకు ఆజ్యం పోస్తున్నాడు. వచ్చే ఐపీఎల్​ సీజన్​ కోసం ప్రస్తుతం సిద్ధమవుతున్నట్లు సమాచారం.

ఇవీ చూడండి.. సర్​ప్రైజ్ రైనా.. సరిలేరు నీకెవ్వరు