ప్రపంచకప్​ మ్యాచ్​ల లైవ్​ కోసం ఐసీసీ భారీ డీల్​

ఐసీసీ, ఐఎంజీ మధ్య భారీ ఒప్పందం కుదిరింది. మూడు ఐసీసీ ప్రపంచకప్​ టోర్నీల్లో 541 మ్యాచ్​లను ప్రసారం చేసే అవకాశాన్ని దక్కించుకుంది ఐఎంజీ.

541 అంతర్జాతీయ మ్యాచ్​లు ప్రసారం చేయడానికి అంతర్జాతీయ క్రికెట్ మండలి (ఐసీసీ), ఐఎంజీ సంస్థల మధ్య ఒప్పందం కుదిరింది. ఇందులో భాగంగా 2022 టీ20 ప్రపంచకప్​, 2023 పురుషుల ప్రపంచకప్​, 2023 మహిళల టీ20 ప్రపంచకప్​ మ్యాచ్​లను ఐఎంజీ ప్రత్యక్ష ప్రసారం చేయనుంది. ఈ ఒప్పందం 2023 ఏప్రిల్​ వరకు అమల్లో ఉంటుంది.

ఎక్కువ మంది అభిమానులకు మరింత క్రికెట్​ ఆనందాన్ని పంచేందుకు ఈ ఒప్పందం దోహదం చేస్తుందని ఐసీసీ పేర్కొంది.

541 మ్యాచ్​లలో 145 మహిళలకు చెందినవి. 80 అసోషియేట్ సభ్యులకు చెందిన 41 క్వాలిఫైయర్​ మ్యాచ్​లను ప్రసారం చేయనున్నారు. అందులో 50కన్నా ఎక్కువ సభ్యులకు తొలిసారి అంతర్జాతీయ ప్రసారం లభించనుంది.

ఇదీ చూడండి:ఐఎంజీ-ఆర్‌లో 50% వాటా కొనుగోలు: ఆర్‌ఐఎల్‌