ఐపీఎల్ నుంచి సురేశ్ రైనా వైదొలిగిన తర్వాత ఆ స్థానంలో సీఎస్కే తరఫున ఎవరు ఆడతారని అటు ఫ్రాంచైజీతో పాటు, అభిమానులూ చర్చించుకుంటున్నారు. ఈ క్రమంలోనే అనేక మంది ఆటగాళ్ల పేర్లు వినిపించాయి. అయితే, రైనా తర్వాత మూడో స్థానంలో బ్యాటింగ్ చేసేందుకు అంబటి రాయుడు సరైన వ్యక్తి అని న్యూజిలాండ్ మాజీ ఆల్రౌండర్ స్కాట్ స్టైరిస్ అభిప్రాయపడ్డాడు.
ఐపీఎల్: రైనా స్థానంలో బరిలోకి రాయుడు!
ఐపీఎల్లో రైనా లేకపోవడం సీఎస్కే జట్టుకు పెద్ద లోటుగా మారింది. అయితే, రైనా స్థానానికి న్యాయం చేయగలిగేది అంబటి రాయుడే అని న్యూజిలాండ్ మాజీ క్రికెటర్ స్కాట్ స్టైరిస్ అభిప్రాయపడ్డాడు.
రైనా
ఇటీవలే వ్యక్తిగత కారణాల వల్ల రైనా అకస్మాత్తుగా లీగ్ నుంచి తప్పుకున్నాడు. ఈ క్రమంలోనే రైనా లేకపోవడం సీఎస్కే జట్టుకు పెద్ద లోటుగా భావించిన స్కాట్.. అతడికి ప్రత్యామ్నాయంగా సరిపోలిన ఆటగాడిని కనుగొనడం అంత సులభం కాదని పేర్కొన్నాడు. మరి రైనా స్థానంలో ఎవరు బరిలోకి దిగనున్నారో తెలియాలంటే ఐపీఎల్ ప్రారంభమయ్యే వరకు వేచి చూడక తప్పదు.
యూఏఈ వేదికగా సెప్టెంబరు 19న లీగ్ మొదలవనుంది. తొలి మ్యాచ్లో సీఎస్కే, ముంబయి ఇండియన్స్ జట్లు తలపడనున్నాయి.