పాకిస్థాన్ మాజీ ఆల్రౌండర్ అబ్దుల్ రజాక్.. బుమ్రాపై చేసిన వ్యాఖ్యలు చర్చనీయాంశమయ్యాయి. బుమ్రా ఓ బేబీ బౌలర్ అంటూ అతడు మాట్లాడాడు. ఈ విషయంపై నెటిజన్లు ఆగ్రహం వ్యక్తం చేస్తుండగానే.. అతడు కోహ్లీ ప్రదర్శనపై ఆసక్తికర వ్యాఖ్యలు చేశాడు.
"1992-2007 మధ్య కాలం క్రికెటర్లతో ఇప్పటి ఆటగాళ్లను పోల్చలేము. టీ20 క్రికెట్తో ఆట మారిపోయింది. అప్పట్లో బౌలింగ్, బ్యాటింగ్, ఫీల్డింగ్ విషయాలు చాలా లోతుతో కూడుకుని ఉండేవి. కోహ్లీ మంచి ఆటగాడు. స్థిరంగా ప్రదర్శన చేస్తున్నాడు. కానీ సచిన్ తెందూల్కర్తో అతడిని పోల్చలేం. వీరిద్దరి మధ్య చాలా తేడా ఉంది."
-అబ్దుల్ రజాక్, పాక్ మాజీ ఆల్రౌండర్