బుధవారం భారత్తో జరిగిన మూడో వన్డేనే వెస్టిండీస్ విధ్వంసకారుడు క్రిస్ గేల్కు ఆఖరు మ్యాచ్ అని అందరూ అనుకున్నారు. సర్వత్రా ఇదే చర్చనీయాంశమైంది. అయితే తాను ఇంకా రిటైర్మెంట్ ప్రకటించలేదని తెలిపాడు గేల్. ఈ విషయాన్ని మ్యాచ్ అనంతరం ఓ వీడియోలో తెలిపాడు.
"రిటైర్మెంట్పై నేను ఎలాంటి ప్రకటన ఇవ్వలేదు. ఈ విషయంపై నిర్ణయాన్ని త్వరలో చెబుతాను" -క్రిస్ గేల్, విండీస్ క్రికెటర్
భారత్తో జరిగిన మూడో వన్డేలో చెలరేగి ఆడాడు గేల్. 41 బంతుల్లో 72 పరుగులతో విధ్వంసం సృష్టించాడు. గేల్ సునామీతో విండీస్ బలమైన ఆరంభం దక్కింది. 12వ ఓవర్లో ఔటైన గేల్ హెల్మెట్లో బ్యాట్ను ఉంచి అభివాదం చేస్తూ మైదానాన్ని వీడాడు. 301వ వన్డే ఆడిన గేల్ అందుకు తగినట్టుగానే అదే నంబర్ జెర్సీని ధరించి మ్యాచ్ ఆడాడు. దీంతో అతడికిదే ఆఖరు మ్యాచ్ అని అందరూ భావించారు.
ఈ మ్యాచ్లో భారత్ ఆరు వికెట్ల తేడాతో విజయం సాధించింది. కోహ్లీ(114) శతకంతో చెలరేగగా.. శ్రేయస్ అయ్యర్(65) అర్ధశతకంతో ఆకట్టుకున్నాడు. వర్షం కారణంగా డక్వర్త్లూయిస్ విధానంలో ఫలితం తేల్చారు. 2-0 తేడాతో టీమిండియా సిరీస్ కైవసం చేసుకుంది.
ఇది చదవండి: 'దేశ ప్రజలందరికీ పంద్రాగస్టు శుభాకాంక్షలు'