కివీస్తో పోరుకు ముందు దక్షిణాఫ్రికాకు సంతోషాన్నిచ్చే అంశం ఆ జట్టు పేసర్ ఎంగిడి పూర్తి ఫిట్నెస్ సాధించడం. ఈ విషయాన్ని స్వయంగా వెల్లడించాడు ఎంగిడి.
"జట్టు సిబ్బంది సహకారంతో పూర్తి ఫిట్నెస్ సాధించా. న్యూజిలాండ్తో జరిగే ఈ మ్యాచ్కు సిద్ధంగా ఉన్నా." -లుంగి ఎంగిడి, దక్షిణాఫ్రికా బౌలర్
ఈ ప్రపంచకప్లో దక్షిణాఫ్రికా తరఫున తొలి రెండు మ్యాచ్లే ఆడాడు ఈ బౌలర్. బంగ్లాదేశ్తో మ్యాచ్లో అతడికి తొడ కండరాలు పట్టేశాయి. తర్వాత రెండు మ్యాచ్లకు విశ్రాంతినిచ్చారు. ఇప్పుడు కివీస్తో పోరుకు సిద్ధమయ్యాడు. సఫారీ జట్టులో ఇప్పటికే గాయం కారణంగా టోర్నీ మొత్తానికి దూరమయ్యాడు సీనియర్ బౌలర్ స్టెయిన్.
ప్రస్తుత ప్రపంచకప్లో ఐదు మ్యాచ్లాడిన దక్షిణాఫ్రికా.. గత మ్యాచ్లో అఫ్గానిస్థాన్పై మాత్రమే గెలిచింది. సెమీస్ చేరుకోవాలంటే మిగతా వాటిలో తప్పక గెలవాల్సిన పరిస్థితి.
బర్మింగ్హామ్ వేదికగా న్యూజిలాండ్తో నేడు తలపడనుంది దక్షిణాఫ్రికా. మధ్యాహ్నం 3 గంటలకు మ్యాచ్ ఆరంభం కానుంది.