దేవుడా.. ఉన్నావా.. అసలు ఉన్నావా: నీషమ్​

ఇంగ్లాండ్​తో జరిగిన ఐదో టీ20లో న్యూజిలాండ్ ఓటమిపై ఆ జట్టు క్రికెటర్ నీషమ్ ఆసక్తికర ట్వీట్ చేశాడు. పరాజయం గురించి దేవుడిని ప్రశ్నిస్తూ కామెంట్ పెట్టాడు.

వైవిధ్యమైన, హాస్యభరిత పోస్టులతో సామాజిక మాధ్యమాల్లో చురుగ్గా ఉంటాడు న్యూజిలాండ్ క్రికెటర్ జిమ్మీ నీషమ్. ఇంగ్లాండ్​తో ఆదివారం జరిగిన మూడో టీ20లో ఓటమిపై ఇన్​స్టాలో ఓ ఆసక్తికర పోస్ట్ చేశాడు. సూపర్ ఓవర్​లో కివీస్ పరాజయం పాలవ్వడంపై దేవుడిని ప్రశ్నిస్తూ కామెంట్ పెట్టాడు.

"ఓ దేవుడా పైన ఉన్నావా నువ్వు.. నీకు అవకాశముంటే ఈ స్క్రిప్టు మార్చేయొచ్చు కదా" - జిమ్మీ, నీషమ్​, న్యూజిలాండ్ క్రికెటర్.

ఇంగ్లాండ్​తో జరిగిన నిర్ణయాత్మక ఐదో టీ20 ఉత్కంఠ భరితంగా సాగింది. మ్యాచ్ డ్రాగా ముగియడం వల్ల సూపర్ ఓవర్ నిర్వహించారు. అందులో ఇంగ్లాండ్ గెలిచింది.

కొన్ని నెలల క్రితం జరిగిన ప్రపంచకప్ ఫైనల్లోనూ ఇంగ్లాండ్​కు అనుకూలంగానే తీర్పు రావడం.. ఈ మ్యాచ్​లోనూ విజయం ఇంగ్లీష్​ జట్టునే వరించడం వల్ల కివీస్ ప్లేయర్ తన ఆవేదనను దేవుడితో చెప్పుకుంటూ ఈ పోస్టు చేశాడు. దీనిపై విశేషంగా స్పందిస్తున్నారు నెటిజన్లు.

సూపర్ ఓవర్లో తొలుత బ్యాటింగ్​కు దిగిన ఇంగ్లాండ్​ ఓపెనర్లు బెయిర్​స్టో, మోర్గాన్.. 17 పరుగులు చేశారు. అనంతరం కివీస్ 8 పరుగులు మాత్రమే చేయగలిగింది.

ఇదీ చదవండి: రాహుల్, అయ్యర్ అర్ధశతకాలు.. బంగ్లా లక్ష్యం 175