'ధోనీ అప్పటివరకు క్రికెట్ ఆడొచ్చు'

ఫామ్, ఫిట్​నెస్ ఉన్నంతకాలం మాజీ కెప్టెన్ ధోనీ క్రికెట్ ఆడొచ్చని చెప్పాడు భారత మాజీ ఓపెనర్ గౌతమ్ గంభీర్. రిటైర్మెంట్​ విషయమై ఎవరూ ఎవరినీ ఒత్తిడి చేయలేరని తెలిపాడు.

తాను మంచి ఫిట్​నెస్​, ఫామ్​తో ఉన్నానని అనుకుంటే, ఆటను ఆస్వాదిస్తున్నంత కాలం ధోనీ క్రికెట్​లో కొనసాగాలని మాజీ ఓపెనర్ గౌతమ్ గంభీర్ అభిప్రాయపడ్డాడు.

మాజీ క్రికెటర్ గౌతమ్ గంభీర్

"వయసు ఓ సంఖ్య మాత్రమే. ఆటగాడు ఫామ్​లో ఉండటం, బంతిని బాగా కొడుతుండటం ముఖ్యం. ధోనీ బంతిని బాగా కొడుతున్నట్లయితే, ఫామ్​లో ఉంటే, ఆటను ఆస్వాదిస్తుంటే, ఆరు లేదా ఏడో నంబరులో దిగి ఇప్పటికీ మ్యాచ్​లు గెలిపించగలనని భావిస్తున్నట్లయితే క్రికెట్​లో కొనసాగాలి. మంచి ఫిట్​నెస్, ఫామ్​ ఉంటే మహీ ఇంకా ఆడొచ్చు. రిటైర్మెంట్​ విషయమై ఎవరూ ఎవరినీ ఒత్తిడి చేయలేరు"

-గౌతమ్ గంభీర్, భారత మాజీ క్రికెటర్

గతేడాది ప్రపంచకప్​లో చివరగా ఆడిన టీమ్​ఇండియా మాజీ కెప్టెన్ ధోనీ.. అనంతరం తాత్కాలిక విరామం ప్రకటించాడు. దీంతో మహీ రిటైర్మెంట్​ తీసుకోనున్నాడని ఊహాగానాలు వచ్చాయి. కానీ వేటిపైనా అతడు స్పందించలేదు. ఈ ఏడాది ఐపీఎల్​ దిగి, టీ20 ప్రపంచకప్​లో చోటు దక్కించుకోవాలని ధోనీ భావించాడు. కరోనా వాటిని చెడగొట్టేసింది. దీంతో అతడి భవిష్యత్​పై నీలినీడలు కమ్ముకున్నాయి.

2011 ప్రపంచకప్​లో ధోనీ-గంభీర్