'రోహిత్​ శర్మ ఆటతీరు అతడిని గుర్తుచేసింది'

టీమ్​ఇండియా వైస్ కెప్టెన్​ రోహిత్​ శర్మ ఆటతీరుపై భారత మాజీ క్రికెటర్​ యువరాజ్​ సింగ్ ఆసక్తికర వ్యాఖ్యలు చేశాడు. అతడి బ్యాటింగ్ తొలినాళ్లలో పాక్​ మాజీ ఆటగాడు ఇంజమామ్​-ఉల్​-హక్​ను పోలి ఉండేదని అన్నాడు.

టీమ్​ఇండియా వైస్​కెప్టెన్​ రోహిత్​శర్మ ఆటతీరు తొలినాళ్లలో పాకిస్థానీ బ్యాటింగ్​ లెజెండ్​ ఇంజమామ్​-ఉల్​-హక్​ను పోలి ఉండేదని మాజీ క్రికెటర్​ యువరాజ్​ సింగ్​ అన్నాడు. ఓ యూట్యూబ్​ చాట్​ సెషన్​లో పాల్గొన్న యువీ​.. రోహిత్​ గురించి అడిగిన ప్రశ్నలకు స్పందించాడు.

"రోహిత్​ భారత జట్టులోకి వచ్చినప్పుడు, అతడు సుదీర్ఘ కాలంగా కొనసాగుతాడని అనిపించింది. తొలినాళ్లలో అతడి ఆటతీరు పాకిస్థాన్​ దిగ్గజ క్రికెటర్​ ఇంజమామ్​-ఉల్​-హక్​ను తలపించింది. బౌలర్లను ఉక్కిరిబిక్కిరి చేయగల నేర్పు అతడిలో ఉంది."

- యువరాజ్​, టీమ్​ఇండియా మాజీ క్రికెటర్​

రోహిత్​ శర్మ, ఇంజమామ్​-ఉల్​-హక్​

రోహిత్​ శర్మ..​ 2007లో ఐర్లాండ్​తో జరిగిన వన్డే ద్వారా టీమ్​ఇండియా తరఫున అరంగేట్రం చేశాడు. అదే ఏడాది టీ20 ప్రపంచకప్​లో ఇంగ్లాండ్​తో జరిగిన మ్యాచ్​లో పొట్టి ఫార్మాట్​లో అడుగుపెట్టాడు.. కానీ, ఆ మ్యాచ్​లో అతడికి ఆడే అవకాశం లభించలేదు.

ఇంజమామ్​-ఉల్-హక్​.. పాకిస్థాన్ జట్టు కష్ట సమయంలో 120 టెస్టులతో పాటు 300 వన్డే మ్యాచ్​లకు ప్రాతినిధ్యం వహించాడు. 2003-07 వరకు ఆ దేశ క్రికెట్​ జట్టుకు కెప్టెన్​గా ఉన్నాడు.

ఇదీ చూడండి.. కరోనాపై పోరాటంలో మద్దతుగా ప్రముఖుల విరాళాలు