వన్డేల్లో విధ్వంసకర ఓపెనర్.. ప్రపంచకప్లో అద్భుత ప్రదర్శనతో ఇంగ్లాండ్ విశ్వవిజేతగా నిలవడంలో కీలకపాత్ర పోషించిన ఆటగాడు.. అదే జోరుతో టెస్టుల్లోనూ సత్తాచాటదామని సిద్ధమయ్యాడు ఓపెనర్ జేసన్ రాయ్. ఐర్లాండ్తో జరిగిన టెస్టు మ్యాచ్తో అరంగేట్రం చేశాడు. తొలి ఇన్నింగ్స్లో 5 పరుగులు చేసి నిరాశపర్చినా, రెండో ఇన్నింగ్స్లో సత్తాచాటాడు. ఈ మ్యాచ్లో ఇతడి బ్యాటింగ్ వీడియో ఒకటి ప్రస్తుతం నెట్టింట ట్రోల్ అవుతోంది.
అసలేం జరిగింది..?
రెండో ఇన్నింగ్స్లో ఇంగ్లాండ్ 38వ ఓవర్ బ్యాటింగ్ చేస్తుండగా మార్క్ అడైర్ బౌలింగ్ వేశాడు. ఐదో బంతిని బౌండరీకి తరలిద్దామనుకున్న రాయ్ క్రీజు దాటి ముందుకొచ్చి ఆడాడు. ఆ ప్రయత్నంలో అతడి కుడి కాలి షూ ఊడిపోయింది. ఫలితంగా మైదానంలో ప్రేక్షకుల ముఖాల్లో నవ్వులు పూశాయి.
అరంగేట్ర ఇన్నింగ్స్లో విఫలమైన రాయ్.. సెకండ్ ఇన్నింగ్స్లో 72 పరుగులు చేశాడు. ఇందులో 10 ఫోర్లు, ఒక సిక్సు ఉన్నాయి. నైట్ వాచ్మెన్ జాక్ లీచ్తో కలిసి రెండో వికెట్కు 156 పరుగుల భాగస్వామ్యం నెలకొల్పి ఇంగ్లాండ్ గెలవడంలో కీలకపాత్ర పోషించాడు.
ఇవీ చూడండి.. 'లసిత్ మలింగ... ఓ మ్యాచ్ విన్నర్'