హషీమ్ ఆమ్లా.. ఈ పేరు వినగానే ముఖ్యంగా గుర్తొచ్చేది డిఫెన్స్. ఎలాంటి బౌలర్నైనా సమర్థవంతంగా ఎదుర్కోగల సత్తా ఉన్న ఈ దక్షిణాఫ్రికా స్టార్ బ్యాట్స్మెన్ అంతర్జాతీయ క్రికెట్కు రిటైర్మెంట్ ప్రకటించాడు. సఫారీ జట్టు తరఫున మూడు ఫార్మాట్లకు ప్రాతినిధ్యం వహించిన ఆమ్లా పలు రికార్డులను నమోదు చేశాడు.
15 ఏళ్ల క్రికెట్ కెరీర్లో 349 మ్యాచ్లు ఆడిన ఆమ్లా అన్ని ఫార్మాట్లలో కలిపి 18 వేలకు పైగా పరుగులు చేశాడు. ఇందులో 55 సెంచరీలు, 88 అర్ధసెంచరీలు ఉన్నాయి. దక్షిణాఫ్రికా తరఫున టెస్టుల్లో ట్రిపుల్ సెంచరీ చేసిన ఏకైక ఆటగాడిగా రికార్డు సృష్టించాడు. అలాగే ఇంగ్లాండ్, ఇండియా, వెస్టిండీస్, ఆస్ట్రేలియా జట్లపై అత్యధిక టెస్టు పరుగులు చేసిన సఫారీ ఆటగాడిగా నిలిచాడు.