సామాజిక మాధ్యమాల్లో చురుగ్గా ఉండే టీమ్ఇండియా ఆల్రౌండర్ హార్దిక్ పాండ్య.. తనకు సంబంధించిన ఫొటోల్ని, వీడియోలను ఎప్పటికప్పుడూ పోస్ట్ చేస్తూ ఉంటాడు. ఇప్పుడు తన సోదరుడు కృనాల్ పాండ్య విసిరిన ఫిట్‌నెస్‌ ఛాలెంజ్‌ స్వీకరించి, ఇన్స్టాలో ఓ వీడియోను పోస్ట్ చేశాడు.
ఇందులో 'హప్ పుష్అప్స్' చేస్తూ కనిపించిన హార్దిక్.. "శరీరం మరింత దృఢంగా కావాలని కసరత్తులు చేస్తున్నా కృనాల్ భయ్యా! నీకు ఇదే నా ఛాలెంజ్‌.. నాలా నువ్వు ఎన్ని చేయగలవో చూద్దాం" అంటూ రాసుకొచ్చాడు.
వావ్ అంటున్న బాలీవుడ్ భామలు
ఈ వీడియోకు కృనాల్ స్పందించలేదు కానీ, బాలీవుడ్ భామలు సయామీ ఖేర్‌, కరిష్మక్ తన్నాలు.. 'వావ్ హార్దిక్ పాండ్య అద్భుతం, ఎలా చేశావ్‌ ఇది' అంటూ కామెంట్లు పెట్టారు.
పెళ్లికాకుండానే శుభవార్త
ఈ ఏడాది మనందరికీ సర్‌ప్రైజ్‌ల మీద సర్‌ప్రైజ్‌లిచ్చాడు డ్యాషింగ్‌ క్రికెటర్‌ హార్దిక్ పాండ్య. కొత్త సంవత్సరం మొదటి రోజునే తన ప్రేయసి, సెర్బియన్‌ నటి నటాషా స్టాంకోవిచ్‌ను ప్రేమికురాలిగా పరిచయం చేశాడు. తాను త్వరలో తండ్రిని కాబోతున్నట్లు ఇటీవలే ప్రకటించాడు. ఈ సందర్భంగా నటాషాతో దిగిన ఓ ఫొటోను ఇన్స్టాలో పోస్ట్ చేశాడు.
ఇది చూడండి : పెళ్లికి ముందే శుభవార్త చెప్పేశారు!
