తండ్రి కాబోతున్న ఆల్​రౌండర్​ హార్దిక్​

టీమ్​ ఇండియా క్రికెటర్​ హార్దిక్​ పాండ్య, నటి నటాషా త్వరలో తల్లిదండ్రులు కాబోతున్నారు. నటాషా గర్భవతిగా ఉన్న ఫొటోను ఇన్​స్టాలో పోస్ట్​ చేసి ఈ విషయాన్ని స్పష్టం చేశాడు హార్దిక్.

టీమ్​ ఇండియా ఆల్ రౌండర్ హార్దిక పాండ్య త్వరలో తండ్రి కాబోతున్నాడు. తన ప్రేయసి నటాషా గర్భవతిగా ఉన్న ఫొటోను ఇన్​స్టాలో పోస్ట్​ చేసి ఈ విషయాన్ని వెల్లడించాడు.

"మా ఇద్దరి జీవిత ప్రయాణం ఎంతో గొప్పగా సాగింది. త్వరలోనే మా జీవితంలోకి మరొకరిని ఆహ్వానించబోతున్నాం. ఈ విషయం మాకు ఎంతో సంతోషం కలిగిస్తోంది. మీ అందరి దీవెనలు, ఆశీర్వాదాలు కోరుతున్నాను."

-హార్దిక పాండ్య, టీమ్​ ఇండియా ఆల్​ రౌండర్​.

మరోవైపు వీరిద్దరూ కలిసి సంప్రదాయ దుస్తుల్లో కూర్చొని ఏదో పూజ చేస్తున్న ఫొటోను పోస్ట్​ చేశాడు హార్దిక్​. 2020 న్యూ ఇయర్​ రోజున వీరిద్దరు నిశితార్థం చేసుకున్నారు.

ప్రస్తుతం ఐపీఎల్​ జట్టు ముంబయి ఇండియన్స్​ తరఫున అడుతున్నాడు హార్దిక్​. లాక్​డౌన్​ నేపథ్యంలో ఐపీఎల్​ను నిరవధిక వాయిదా వేసింది బీసీసీఐ.

ఇదీ చూడండి : చివరి వరకు ఆమెతో బంధం కొనసాగిస్తా : ద్యుతీ చంద్‌