భజ్జీ హ్యాట్రిక్ సిక్సులు.. మరోసారి చూసేయండి

టీమ్​ఇండియా వెటరన్ స్పిన్నర్ హర్భజన్ సింగ్ తాజాగా ఓ వీడియోను నెట్టింట షేర్ చేశాడు. ఐపీఎల్ 2015 సీజన్​లో పంజాబ్​తో జరిగిన మ్యాచ్​లో హ్యాట్రిక్ సిక్సులు బాదిన వీడియోను అభిమానులతో పంచుకున్నాడు.

కరోనా లాక్​డౌన్​ కారణంగా క్రికెటర్లు ఇంటి వద్ద వారికి తోచిన వ్యాపకాలతో కాలక్షేపం చేస్తున్నారు. టీమ్​ఇండియా సీనియర్ ఆఫ్ స్పిన్నర్ హర్భజన్ సింగ్ సామాజిక మాధ్యమాల్లో బిజీగా ఉంటూ పోస్టులు పెడుతున్నాడు. తాజాగా ఐపీఎల్​లో తాను బాదిన హ్యాట్రిక్ సిక్సుల వీడియోను నెట్టింట షేర్ చేశాడు.

2015 సీజన్​లో కింగ్స్ ఎలెవన్ పంజాబ్​తో జరిగిన మ్యాచ్​లో ముంబయి ఇండియన్స్ ఆటగాడు హర్భజన్ హ్యాట్రిక్ సిక్సులు బాదాడు. పంజాబ్ బౌలర్ అనురీత్ సింగ్ వేసిన ఓవర్లో ఇలా వరుస బౌండరీలు కొట్టాడు. ఈ మ్యాచ్​లో భజ్జీ కేవలం 24 బంతుల్లోనే 64 బంతులతో సునామీ ఇన్నింగ్స్ ఆడాడు. ఇందులో 5 ఫోర్లు 6 సిక్సులు ఉన్నాయి. కానీ ఈ మ్యాచ్​లో ముంబయి ఇండియన్స్ ఓటమిపాలైంది.