బాంగ్రా డ్యాన్స్​ చేస్తూ ప్రాక్టీసుకు హర్భజన్

ఐపీఎల్ క్వారంటైన్​ పూర్తి చేసుకున్న హర్భజన్.. తన జట్టు కోల్​కతాతో కలిసి ప్రాక్టీసు చేశాడు. అయితే ప్రాక్టీసుకు వచ్చే క్రమంలో డ్యాన్స్ చేస్తూ కనిపించాడు.

ఐపీఎల్​లో భాగంగా ఏడు రోజుల క్వారంటైన్​ పూర్తి చేసుకున్నాడు సీనియర్ స్పిన్నర్ హర్భజన్ సింగ్. ఆ తర్వాత ప్రాక్టీసుకు వెళ్తూ, బాంగ్రా స్టెప్పులేస్తూ కనిపించాడు. చెన్నై సూపర్​కింగ్స్ ఇతడిని వదులుకోగా, ఫిబ్రవరిలో జరిగిన వేలంలో కోల్​కతా నైట్​రైడర్స్, రూ.2 కోట్ల కనీస ధరకు భజ్జీని సొంతం చేసుకుంది.

"కోల్​కతా గురించి మాట్లాడితే నాకు రోమాలు నిక్కబొడుచుకుంటాయి. ఈ ఊరు నన్ను 2001లోకి తీసుకెళ్తుంది. ఆస్ట్రేలియాతో అప్పుడు జరిగిన మ్యాచ్​లో ఫామ్​లో లేకపోయినప్పటికీ ఇన్నింగ్స్​లో ఐదు వికెట్లు తీశాను. ఎప్పుడైనా అక్కడికి వెళ్తే నా ఫామ్​ తిరిగొస్తుంది. దాని అంతటికీ కారణం కాళీ మాత ఆశీస్సులే. అందుకే కోల్​కతా నాకు రెండో ఇల్లు లాంటిది" అని హర్భజన్ చెప్పాడు.

కోల్​కతా నైట్​రైడర్స్.. ఏప్రిల్ 11న జరిగే తన తొలి మ్యాచ్​లో సన్​రైజర్స్ హైదరాబాద్​తో తలపడనుంది. మరి ఈ సీజన్​లో హర్భజన్ సింగ్ ఎలాంటి ప్రదర్శన చేస్తాడో చూడాలి?