ఆసీస్పై టీమ్ఇండియా చారిత్రక విజయం సాధించడంలో 97పరుగులతో కీలక ఇన్నింగ్స్ ఆడిన వికెట్కీపర్ రిషభ్ పంత్ను ప్రశంసించింది అంతర్జాతీయ క్రికెట్ కౌన్సిల్. 'స్పైడర్ మ్యాన్' పోస్టర్‌కు పంత్ ఫొటో అంటించి.. అతడికి 'స్పైడర్ మ్యాన్' పాటను అంకితమిచ్చింది. "స్పైడర్ ఏం చేయగలదో పంత్ అది చేస్తాడు. సిక్సులు కొట్టగలడు, క్యాచ్‌లు పట్టగలడు. టీమ్ఇండియాను విజయ తీరాలకు చేర్చగలడు. ఇదిగో ఇతడే స్పైడర్ పంత్" అని పాట రూపంలో పొగిడింది.
రిషభ్ పంత్ కాదు.. 'స్పైడర్ పంత్'- ఐసీసీ ప్రశంస - panth spider man
టీమ్ఇండియా వికెట్కీపర్ పంత్కు 'స్పైడర్ మ్యాన్' పాటను అంకితమిచ్చింది ఐసీసీ. ఆసీస్పై భారత్ ఘన విజయం సాధించడంలో అతడు కీలకంగా వ్యవహరించిన నేపథ్యంలో ఈ పాటను అంకితం చేసింది.
స్పైడర్
నాలుగో టెస్టులో ఆసీస్ రెండో ఇన్నింగ్స్లో 56వ ఓవర్ వద్ద పంత్ "స్పైడర్మ్యాన్, స్పైడర్మ్యాన్" అంటూ సరదాగా పాట పాడాడు. అప్పుడే స్మిత్ వికెట్ కోల్పోయిన జట్టును, కామెరూన్ గ్రీన్, టిమ్ పైన్ చక్కదిద్దే ప్రయత్నం చేస్తున్నారు. ఆ సమయంలోనే పంత్ పాడిన పాట మైక్లో రికార్డయ్యింది. దీనికి సంబంధించిన వీడియో సామాజిక మాధ్యమాల్లో వైరల్ మారగా.. నెటిజన్లను విపరీతంగా ఆకట్టుకుంది. విపరీతంగా లైక్స్, కామెంట్స్ వచ్చాయి.
ఇదీ చూడండి :పంత్ 'స్పైడర్ మ్యాన్' పాట వైరల్