టీమిండియా మాజీ క్రికెటర్ గౌతమ్ గంభీర్.. లోక్సభ బరిలో తొలిసారి విజేతగా నిలిచాడు. ఈ ఏడాది మార్చిలో భాజపా తీర్ధం పుచ్చుకున్న గంభీర్.. తూర్పు దిల్లీ నుంచి పోటీ చేశాడు. ప్రస్తుత ఎన్నికల్లో ప్రత్యర్థులు అతిషి(ఆమ్ ఆద్మీ), అర్విందర్ సింగ్(కాంగ్రెస్)పై పైచేయి సాధించాడు. సూమారు 3 లక్షల పైచిలుకు ఓట్ల వ్యత్యాసంతో గెలుపొందాడీ బ్యాట్స్మన్.
ఎన్నికల స్టేడియంలో గంభీర్ ధనాధన్ - 2019 ELECTIONS
తూర్పు దిల్లీలో భాజపా తరఫున లోక్సభ ఎన్నికల్లో పోటీ చేసిన గౌతమ్ గంభీర్ విజయం సాధించాడు. ప్రధాన పార్టీల పరస్పర ఆరోపణల మధ్య జరిగిన ఈ పోరులో ఆమ్ ఆద్మీ, కాంగ్రెస్ను కాదని భాజపాకే ప్రజలు పట్టం కట్టారు. ప్రత్యర్థులపై భారీ ఆధిక్యం సాధించాడు గంభీర్.
ఎన్నికల స్టేడియంలో గంభీర్ ధనాధన్
దిల్లీలో 7 స్థానాలకు లోక్సభ ఎన్నికల జరిగాయి. అన్నింటిలోనూ తొలి నుంచి భాజపా ఆధిక్యం కొనసాగించింది. అదే జోరును కొనసాగిస్తూ విజయ బావుట ఎగురవేసింది. విజయం అనంతరం వినూత్నంగా ట్వీట్ చేశాడు గౌతమ్ గంభీర్. ప్రత్యర్థులపై అదిరే పంచ్ వేశాడు.
ఎన్నికల ప్రచారంలో ఇరు పార్టీల అభ్యర్థులు పరస్పర ఆరోపణలు చేసుకున్నారు. గౌతమ్ గంభీర్.. తనని కించపరిచేలా ఉన్న కరపత్రాలు పంచుతున్నారని ఆమ్ ఆద్మీ పార్టీ అభ్యర్థి అతిషి ఆరోపించారు. స్పందించిన ఈ క్రికెటర్.. ఈ విషయాన్ని నిరూపిస్తే ఈ ఎన్నికల్లో గెలిచినా రాజకీయాల నుంచి తప్పుకుంటానని సవాల్ చేశాడు.