గ్లోబల్ టీ20లో టీమిండియా మాజీ ఆటగాడు యువరాజ్ సింగ్ దూకుడు కొనసాగిస్తున్నాడు. ఇటీవలే అంతర్జాతీయ క్రికెట్కు రిటైర్మెంట్ ప్రకటించిన యూవీ తనలో ఇంకా సత్తా తగ్గలేదని నిరూపిస్తున్నాడు. తాజాగా విన్నీపెగ్‌ హాక్స్‌తో జరిగిన మ్యాచ్లో మరోసారి మెరుపులు మెరిపించాడు. 26 బంతుల్లో 4 ఫోర్లు, 2 సిక్సర్లతో 45 పరుగులు చేశాడు.
ఇంతకుముందు ఎడ్మాంటన్ రాయల్స్‌తో జరిగిన మ్యాచ్లో యువరాజ్ 21 బంతుల్లో 3 ఫోర్లు, 3 సిక్సర్లతో 35 పరుగులు చేసి జట్టు గెలుపులో కీలకపాత్ర పోషించాడు. అదే జోరును విన్నీ పెగ్‌తో జరిగిన మ్యాచ్లో కొనసాగించాడు యువీ.