గంగూలీ డిశ్చార్జ్​ గురించి అప్​డేట్

టీమ్​ఇండియా మాజీ కెప్టెన్​, బీసీసీఐ అధ్యక్షుడు​ గంగూలీ ఆరోగ్యంపై మరో హెల్త్​ అప్​డేట్​ వచ్చింది. బుధవారం కూడా చికిత్స అందించి.. గురువారం డిశ్చార్జ్​ చేస్తామని తెలిపారు.

బీసీసీఐ అధ్యక్షుడు సౌరవ్ గంగూలీ ఆరోగ్య పరిస్థితిపై వుడ్​ల్యాండ్స్​ ఆస్పత్రి బుధవారం మరో బులిటిన్​ ​విడుదల చేసింది. ఆయనను గురువారం డిశ్చార్జ్​ చేస్తామని ప్రకటించింది.

"గంగూలీని రేపు (గురువారం) డిశ్చార్జ్​ చేస్తాం. ఈరోజూ(బుధవారం) ఆస్పత్రిలోనే చికిత్స పొందుతారు. ఆయన ఆరోగ్య పరిస్థితిపై మా వైద్యబృందం నిరంతరం పర్యవేక్షిస్తుంది. డిశ్చార్జ్​ చేసిన తర్వాత ఇంట్లో ఎలాంటి చికిత్సను అందించాలనే విషయాన్ని డాక్టర్లు చర్చిస్తున్నారు" అని వుడ్​ల్యాండ్స్​ ఆస్పత్రి ప్రకటనలో తెలిపింది.

గుండె సంబంధిత వ్యాధి నిపుణులు డాక్టర్​ దేవీశెట్టి.. గంగూలీ ఆరోగ్య పరిస్థితి గురించి వైద్యులను మంగళవారం అడిగి తెలుసుకున్నారు. బుధవారం డిశ్చార్జ్​ చేస్తామని స్పష్టం చేశారు. అయితే దాదాకు బుధవారం కూడా చికిత్స అందిస్తున్నామని తెలియజేయడం అభిమానుల్లో అందోళనకు తావిస్తోంది.

ఇదీ చూడండి:బుధవారం గంగూలీ డిశ్చార్జ్​.. ఇంట్లోనే చికిత్స!