గంభీర్ ఇంట్లో కరోనా.. ఐసోలేషన్​లో మాజీ క్రికెటర్

టీమ్​ఇండియా మాజీ ఓపెనర్ గౌతమ్ గంభీర్ ఇంట్లో కరోనా కలకలం సృష్టించింది. ఈయన ఇంట్లోనే ఓ వ్యక్తికి వైరస్ పాజిటివ్ రావడం వల్ల గంభీర్ ఐసోలేషన్​లోకి వెళ్లారు.

టీమ్ఇండియా మాజీ క్రికెటర్ గౌతమ్ గంభీర్ ఐసోలేషన్​లో ఉన్నట్లు వెల్లడించారు. తన ఇంట్లో ఓ వ్యక్తికి కరోనా సోకడం వల్ల క్వారంటైన్​కు వెళ్లినట్లు తెలిపారు. తన వైద్యపరీక్షల ఫలితాల కోసం ఎదురుచూస్తున్నట్లు ట్వీట్ చేశారు.

"మా ఇంట్లో ఓ వ్యక్తికి కరోనా రావడం వల్ల నేను ఐసోలేషన్​లోకి వెళ్లాను. నా ఫలితాల కోసం ఎదురుచూస్తున్నాను. ఈ మహమ్మారిని తేలికగా తీసుకోవద్దు. అందరూ మార్గదర్శకాలను పాటించాలని కోరుకుంటున్నాను. జాగ్రత్తగా ఉండండి."

-గంభీర్, టీమ్​ఇండియా మాజీ క్రికెటర్

దిల్లీకి చెందిన గౌతమ్ గంభీర్.. టీమ్​ఇండియా తరఫున 58 టెస్టులు, 147 వన్డేలు, 37 టీ20​లు ఆడారు. ప్రస్తుతం భాజపా తరఫున ఎంపీగా బాధ్యతలు నిర్వర్తిస్తున్నారు.​