కొజికోడ్ ఘటన.. భారత క్రీడాలోకం విచారం

కొజికోడ్​లో జరిగిన విమాన ప్రమాదం చూసి భారత క్రీడాకారులు చలించిపోయారు. మృతుల కుటుంబాలకు ప్రగాఢ సానుభూతి తెలిపారు.

కేరళ విమాన ప్రమాదంపై పలువురు భారత స్టార్ క్రికెటర్లు, మాజీలు విచారం వ్యక్తం చేశారు. ఘటనలో మరణించిన వారి కుటుంబాలకు ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ఆకాంక్షించారు. ఈ ఘటనలో ఇప్పటివరకు 19 మంది మృత్యువాత పడగా, 100 మందికిపైగా గాయపడ్డారు. విచారం వ్యక్తం చేసిన వారిలో టీమ్​ఇండియా కెప్టెన్ కోహ్లీ, దిగ్గజ సచిన్ తెందుల్కర్, మాజీ ఆటగాళ్లు ఇర్ఫాన్ పఠాన్, గంభీర్​త పాటు పలువురు ఉన్నారు.

"కొజికోడ్​ ఘటనలోని క్షతగాత్రులు త్వరగా కోలుకోవాలని కోరుకుంటున్నాను. ఈ ప్రమాదంలో తమ ప్రాణాలు వదిలిన వారికి ప్రగాఢ సానుభూతి" -భారత కెప్టెన్ కోహ్లీ

"కొజికోడ్​ ప్రమాదంలో ప్రాణాలు కోల్పోయిన వారి కుటుంబాలకు సంతాపం" -సచిన్ తెందుల్కర్, దిగ్గజ క్రికెటర్

"ప్రమాదంలో మృతి చెందిన పైలట్ కుటుంబానికి ప్రగాఢ సానుభూతి. గాయపడిన వారు త్వరగా కోలుకోవాలని ఆకాంక్షిస్తున్నాను" -ఇర్ఫాన్ పఠాన్, మాజీ క్రికెటర్

'వందే భారత్' మిషన్​లో భాగంగా దుబాయ్​ నుంచి ఈ విమానం కేరళకు వచ్చింది. అయితే రన్​వేపై నీరు ఉండటం వల్ల అదుపుతప్పి పక్కనే ఉన్న లోయలో పడింది. విమానంలో సిబ్బందితో కలిపి మొత్తం 174 మంది ప్రయాణికులు ఉన్నారు.