రోడ్డు ప్రమాదంలో విండీస్​​ మాజీ​ పేసర్​ మృతి

వెస్టిండీస్​​ మాజీ బౌలర్​ ఎజ్రా మోస్లీ దుర్మరణం చెందాడు. ఓ ఎస్​యూవీ వాహనం ఢీకొట్టడం వల్ల ఆయన మృతి చెందినట్లు ఓ వార్త సంస్థ తెలిపింది.

వెస్టిండీస్​ మాజీ పేసర్​ ​​ ఎజ్రా మోస్లీ.. రోడ్డు ప్రమాదంలో కన్నుమూశాడు. సైకిల్​పై వెళ్తున్న ఈ 63 ఏళ్ల మాజీ బౌలర్​ను ఓ ఎస్​యూవీ వాహనం ఢీకొట్టింది. 2016 టీ20 ప్రపంచకప్​ గెలుపొందిన మహిళల జట్టుకు ఈయన సహాయక కోచ్​గా ఉన్నారు.

"కింగ్​స్టన్​లోని ఓ​ జంక్షన్ వద్ద సైకిలుపై వెళ్తున్న మోస్లీని ఎస్​యూవీ వాహనం ఢీకొట్టింది" అని ఓ మీడియా సంస్థ తెలిపింది. కాగా, మోస్లీ వెస్టిండీస్​ తరఫున రెండు టెస్టులతో పాటు తొమ్మిది వన్డేలు ఆడాడు.

"ఘోర రోడ్డు ప్రమాదంలో ఎజ్రా మోస్లీ మరణించాడనే వార్త మమ్మల్ని షాక్​కు గురిచేసింది. విండీస్​ క్రికెట్​ బోర్డు విషాదంలో మునిగిపోయింది" అని వెస్టిండీస్​​ క్రికెట్​ బోర్డు డైరెక్టర్​ జిమ్మీ ఆడమ్స్ పేర్కొన్నాడు.​ ​

ఇదీ చదవండి:పాక్​పై కుంబ్లే 'పది వికెట్ల రికార్డు'కు 22 ఏళ్లు