భారత్-ఆస్ట్రేలియా మధ్య వన్డే సిరీస్ ముంగిట కోహ్లీపై ప్రశంసలు కురిపించాడు కంగారూ జట్టు సారథి ఆరోన్ ఫించ్. వన్డేల్లో కోహ్లీనే అత్యుత్తమ ఆటగాడని కొనియాడాడు. అతడి రికార్డులే ఇందుకు నిదర్శనమని అభిప్రాయపడ్డాడు. ఇటీవలే వీరిద్దరూ ఆర్సీబీ జట్టు తరఫున బరిలోకి దిగారు.
మూడు వన్డేల సిరీస్‌లో భాగంగా శుక్రవారం సిడ్నీ వేదికగా తొలి మ్యాచ్ జరగనుంది. ఈ సందర్భంగా మాట్లాడిన ఫించ్.."కోహ్లీ రికార్డులను చూసి అతడు అత్యుత్తమం అని చెప్పొచ్చు. విరాట్ను త్వరగా ఔట్ చేయడంపైనే మేము దృష్టిసారించాలి" అని వెల్లడించాడు.