బంగ్లాదేశ్తో జరిగిన తొలి టీ20లో ఏడు వికెట్ల తేడాతో పరాజయంపాలైంది టీమిండియా. ఈ ఓటమిపై సారథి రోహిత్ శర్మ స్పందించాడు. తాము చేసిన కొన్ని తప్పిదాలు ప్రత్యర్థి జట్టుకు కలిసొచ్చాయని అన్నాడు.
"బంగ్లాదేశ్ బాగా ఆడింది. ఇన్నింగ్స్ ప్రారంభం నుంచి మా మీద ఒత్తిడి పెంచడంలో సఫలమైంది. స్కోర్ కట్టడి చేయగలిగిందే. కానీ కొన్ని ఫీల్డింగ్ పొరపాట్లు ప్రత్యర్థి జట్టుకు కలిసొచ్చాయి. యువ ఆటగాళ్లలో అనుభవం లోపించింది. సమీక్షలు కూడా కలిసిరాలేదు. దీని నుంచి వారు చాలా నేర్చుకుంటారు. ఇలాంటి తప్పిదాలు మళ్లీ జరగకుండా చూస్తాం."
-రోహిత్ శర్మ, టీమిండియా సారథి