'ప్రపంచ యుద్ధం జరిగినా ఆయన ఫామ్​ చెక్కు చెదరలేదు'

దిగ్గజ డాన్​ బ్రాడ్​మన్​ 112వ జయంతి సందర్భంగా.. ఆయనను స్మరించుకుని జన్మదిన శుభాకాంక్షలు చెప్పాడు సచిన్ తెందుల్కర్. ప్రతిఆటగాడికి ఆయన జీవితం స్ఫూర్తిదాయకమని అభిప్రాయపడ్డాడు.

దిగ్గజ క్రికెటర్​, ఆస్ట్రేలియా మాజీ సారథి డాన్ బ్రాడ్​మన్​ 112వ జయంతి నేడు(ఆగస్టు 27). ఈ సందర్భంగా స్మరించుకుని ఆయనతో కలిసి దిగిన ఫొటోను ట్వీట్ చేశాడు దిగ్గజ సచిన్​ తెందుల్కర్​. 1998లో బ్రాడ్​మన్​ 90వ పుట్టినరోజు సందర్భంగా ఈ ఫొటో దిగినట్లు తెలిపాడు.

"రెండో ప్రపంచ యుద్ధం వల్ల డాన్​ బ్రాడ్​మన్​ చాలా ఏళ్ల పాటు క్రికెట్​కు దూరమయ్యారు. అయినా సరే టెస్టుల్లో ఆయన బ్యాటింగ్​ సగటు అందరికన్నా ఎక్కువగానే ఉంది. ఆయన జీవితం ప్రతిఒక్కరికీ స్ఫూర్తిదాయకం. జన్మదిన శుభాకాంక్షలు డాన్​ సార్"

-సచిన్​ తెందుల్కర్​, భారత మాజీ క్రికెటర్

రెండో ప్రపంచయుద్ధం తర్వాత కూడా బ్రాడ్​మన్​.. ​తన కెరీర్​ను విజయవంతంగా కొనసాగించారని సచిన్ గుర్తుచేసుకున్నాడు​. కరోనా పరిస్థితులను, ప్రస్తుత అథ్లెట్లు ఎలా ఎదుర్కొవాలనేది ఆయన నుంచి ప్రేరణ పొందాలని సూచించాడు.

కెరీర్​లో 52 టెస్టులు ఆడారు బ్రాడ్​మన్​. 99.94 బ్యాటింగ్​ సగటుతో నెం.1 స్థానంలో కొనసాగుతున్నారు. ఇప్పటివరకు ఈ రికార్డును ఏ బ్యాట్స్​మన్ కూడా అధిగమించలేకపోయాడు. 2001 ఫిబ్రవరి 25న తుదిశ్వాస విడిచారు.

ఇది చూడండి ఓపెనింగ్ ఇవ్వకపోతే ఫినిషర్​గా అదరగొడతా: రహానె