కరోనా దెబ్బకు భారత్‌లో మరో ద్వైపాక్షిక సిరీస్ వాయిదా పడే సూచనలు కనిపిస్తున్నాయి. షెడ్యూల్ ప్రకారం సెప్టెంబర్‌-అక్టోబర్‌లో ఇంగ్లీష్ జట్టు భారత్‌లో పర్యటించాల్సి ఉంది. మూడు వన్డేలు, టీ20లతో కూడిన సిరీస్ను ఇరుజట్లు ఆడాల్సి ఉంది. కానీ వైరస్ కారణంగా వచ్చే ఏడాదికి ఇది వాయిదా పడుతుందని సమాచారం.
ఐపీఎల్పై ఇంకా సందిగ్ధమే..
మహమ్మారి వల్ల అక్టోబరులో ఆస్ట్రేలియా వేదికగా జరగాల్సిన టీ20 ప్రపంచకప్ నిర్వహణను వాయిదా వేయాలని ఐసీసీ చర్చలు జరుపుతోంది. ఒకవేళ ఈ మెగాటోర్నీ వాయిదా పడితే సెప్టెంబరు చివరి వారంలో ఐపీఎల్ 13వ సీజన్ నిర్వహించాలని భావిస్తోంది బీసీసీఐ.