బుమ్రాను టీజ్ చేసిన ఇంగ్లాండ్ మహిళా క్రికెటర్

టీమిండియా పేసర్ బుమ్రాను ఆటపట్టించింది ఇంగ్లాండ్ మహిళా క్రికెటర్ డేనియల్లీ వ్యాట్. ఇన్​స్టాలో అతడి ఫొటోకు సరదాగా రిప్లే ఇచ్చి టీజ్ చేసింది.

వెన్నునొప్పి కారణంగా దక్షిణాఫ్రికా, బంగ్లాదేశ్ సిరీస్​లకు దూరంగా ఉన్నాడు టీమిండియా పేసర్ జస్ప్రీత్‌ బుమ్రా. ఇప్పుడిప్పుడే కోలుకుంటున్నాడు. అందుకోసం జిమ్​లో తేలికపాటి కసరత్తులు మొదలుపెట్టాడు. తాజాగా "త్వరలో వచ్చేస్తున్నా" అంటూ ఇన్​స్టాగ్రామ్​లో ఓ పోస్ట్ పెట్టాడు. దీనిపై ఇంగ్లాండ్ మహిళా క్రికెటర్ డేనియల్లీ వ్యాట్ స్పందించింది.

"బేబీ వెయిట్స్‌" (తక్కువ బరువులు) అంటూ బుమ్రాను టీజ్‌ చేసింది వ్యాట్. ఎందుకంటే గాయం నుంచి కోలుకుంటున్న అతడు ప్రస్తుతం తక్కువ బరువులతో కసరత్తులు చేస్తున్నాడు. గతంలో తనను పెళ్లి చేసుకోవాలని కోహ్లీని కోరి వార్తల్లో నిలిచిందీ క్రికెటర్.

బుమ్రా పోస్ట్​కు వ్యాట్ రిప్లే

ఇవీ చూడండి.. రవిశాస్త్రి సేవలు అందుకోసం వాడుకుంటాం: దాదా