తొలి వన్డేలో అద్భుతంగా రాణించిన ఆస్ట్రేలియా.. మాంచెస్టర్‌ వేదికగా రెండో వన్డేలో మాత్రం ఓటమిపాలైంది. గెలవాల్సిన మ్యాచ్ను అనూహ్యంగా చేజార్చుకుంది. ఇంగ్లీష్ సేన బౌలర్ల ప్రదర్శనతో సిరీస్ను సమం చేసుకుంది. ఈ మ్యాచ్లో తొలుత బ్యాటింగ్ చేసిన ఇంగ్లాండ్.. 50 ఓవర్లలో 9 వికెట్లకు 231 పరుగులు చేసింది. ఇంగ్లాండ్ ఇన్నింగ్స్‌లో మోర్గాన్‌ (442) టాప్‌ స్కోరర్‌. ఆస్ట్రేలియా స్పిన్నర్ జంపా (3/36) రాణించాడు.
రెండో వన్డేలో ఇంగ్లాండ్ విజయం.. సిరీస్ సమం
ఆస్ట్రేలియాతో జరిగిన రెండో వన్డేలో ఇంగ్లాండ్ అనూహ్య విజయం సాధించింది. తొలి మ్యాచ్ పరాజయానికి ప్రతీకారం తీర్చుకుంది ఇంగ్లీష్ సేన. ఫలితంగా సిరీస్ సమం చేసి ట్రోఫీ రేసులో నిలిచింది.
రెండో వన్డేలో ఇంగ్లాండ్ విజయం
అనూహ్యంగా..
ఛేదనలో ఒక దశలో ఆస్ట్రేలియా స్కోరు 143/2. ఇంకా 20 ఓవర్లున్నాయి. 8 వికెట్లు చేతిలో ఉన్నాయి. 88 పరుగులు చేస్తే చాలు. ఆసీస్‌ ఈ మ్యాచ్ నెగ్గి మూడు వన్డేల సిరీస్ను 2-0తో చేజిక్కించుకోవడం లాంఛనమే అనుకున్నారంతా. కానీ వోక్స్‌ (3/32), ఆర్చర్‌ (3/34), కరన్‌ (3/35)ల ధాటికి ఆసీస్‌.. 48.4 ఓవర్లలో 207 పరుగులకే కుప్పకూలింది. ఆరోన్‌ ఫించ్‌ (73), లబుషేన్‌ (48) రెండో వికెట్‌కు 107 పరుగులు జోడించినా.. మిగతా బ్యాట్స్‌మెన్‌ ఘోర వైఫల్యంతో ఆసీస్‌కు పరాభవం తప్పలేదు.