యాషెస్ మూడో టెస్టు​కు అదే ఇంగ్లాండ్ జట్టు

ఇంగ్లాండ్​-ఆస్ట్రేలియా మధ్య జరుగుతున్న యాషెస్​ మూడో టెస్టు​ కోసం జట్టును ప్రకటించింది ఇంగ్లాండ్. ఫాస్ట్​ బౌలర్​ జేమ్స్​ అండర్​సన్ ఇంకా గాయంతో బాధపడుతున్న కారణంగా అవకాశమివ్వలేదు.

యాషెస్​ సిరీస్​లోని​ మూడో టెస్టు​.. హెడింగ్లీ వేదికగా గురువారం ప్రారంభం కానుంది. ఇందుకోసం 12 మంది సభ్యులతో కూడిన జట్టును ప్రకటించింది ఇంగ్లాండ్. అండర్​సన్ ఇంకా గాయంతో బాధపడుతున్న కారణంగా అతడికి అవకాశం దక్కలేదు.​

ఎడ్​బాస్ట​న్​ వేదికగా జరిగిన మెుదటి మ్యాచ్​లో అండర్​సన్​ గాయపడ్డాడు. కండరాల పట్టేయడం వల్ల ఆటనుంచి తప్పుకున్నాడు. ఈ మ్యాచ్​లో ఇంగ్లాండ్​ పై ఆస్ట్రేలియా 251 పరుగుల తేడాతో గెలిచింది.

లార్డ్స్​లో జరిగిన రెండో టెస్టు​లో అండర్​సన్​ కొనసాగే పరిస్థితి లేకపోవడం వల్ల ఆ స్థానంలో పేసర్​ జోఫ్రా ఆర్చర్​ను తీసుకున్నారు. ఈ మ్యాచ్​లో ఐదు వికెట్లు పడగొట్టాడీ బౌలర్. ఇది డ్రాగా ముగిసింది. అయితే ఈ టెస్టు​లో అవకాశం దక్కని లెఫ్ట్​ ఆర్మ్​ ఆటగాడు శామ్​ కరన్ మూడో టెస్టులో చోటు దక్కించుకున్నాడు.

ఇదీ చూడండి: ట్రైలర్: తండ్రి ఆనందం కోసం కూతురి పోరాటం