ఇంగ్లాండ్కు తొలిసారి క్రికెట్ వరల్డ్కప్ అందించిన కెప్టెన్ ఇయాన్ మోర్గాన్... తొలిసారి తండ్రయ్యాడు. ఈ నెల 9న తన భార్య తారా పండంటి మగబిడ్డకు జన్మనిచ్చింది. ఈ విషయం తాజాగా సామాజిక మాధ్యమాల వేదికగా వెల్లడించారు. తన బాబు ఫొటోను షేర్ చేస్తూ... ఆ చిన్నోడికి 'లియో లూయిస్ ఒలీవర్ మోర్గాన్' అనే పేరు పెట్టినట్లు తెలిపారు ఈ దంపతులు. సామాజిక మాధ్యమాల్లో మోర్గాన్కు అభినందనలు వెళ్లువెత్తుతున్నాయి.
పుత్రోత్సాహంలో మోర్గాన్...కొడుకు పేరేంటో తెలుసా?
ఇంగ్లాండ్ కెప్టెన్ ఇయాన్ మోర్గాన్, తన భార్య తారా దంపతులకు మార్చి 9న మగబిడ్డ పుట్టాడు. తాజాగా అతడి ఫొటోను అభిమానులతో పంచుకున్న తారా.. బాబుకు పెట్టిన పేరును సామాజిక మాధ్యమాల్లో ప్రకటించింది.
నలుగురు పేర్లు కలిపితే ఇయాన్ మోర్గాన్ బిడ్డ పేరు?
ప్రేమపరిణయం..
2010లో యాషెస్ మ్యాచ్లు చూసేందుకు ఇంగ్లాండ్ వచ్చిన తారాతో... తొలిచూపులోనే ప్రేమలో పడ్డాడట మోర్గాన్. ఆస్ట్రేలియాకు చెందిన ఈమె.. అప్పట్లో పబ్లిక్ రిలేషన్స్ ఆఫీసర్గా పనిచేసేది. అయితే చాలా రోజులు డేటింగ్ తర్వాత 2018లో వీరిద్దరూ పెళ్లి చేసుకున్నారు. మోర్గాన్ ఈ ఏడాది ఐపీఎల్లో కోల్కతా నైట్రైడర్స్ తరఫున ఆడనున్నాడు. గతేడాది డిసెంబర్లో జరిగిన వేలంలో ఇతడిని రూ.5.25 కోట్లు పెట్టి కొనుక్కుంది ఆ జట్టు యాజమాన్యం. ఇప్పటివరకు 52 ఐపీఎల్ మ్యాచ్లు ఆడిన ఇతడు.. 854 పరుగులు చేశాడు.