శ్రీలంక చేరుకున్న ఇంగ్లాండ్ జట్టు

శ్రీలంకతో రెండు టెస్టుల సిరీస్ కోసం ఆ దేశానికి చేరుకున్నారు ఇంగ్లాండ్ ఆటగాళ్లు. కొవిడ్ టెస్టు చేయించుకున్నాక క్వారంటైన్​లో ఉండనున్నారు.

రెండు టెస్టు మ్యాచ్​ల సిరీస్​ ఆడేందుకు శ్రీలంకకు చేరుకుంది ఇంగ్లాండ్ జట్టు. ఆదివారం హంబన్​టోటా అంతర్జాతీయ విమానాశ్రానికి చేరుకున్న ఆటగాళ్లకు స్వాగతం పలికింది లంక క్రికెట్ బోర్డు.

యూకేలో కరోనా విజృంభిస్తోన్న నేపథ్యంలో లంక పర్యటన సందిగ్ధంలో పడింది. ఈ సిరీస్ కొనసాగుతుందో లేదో అనే అనిశ్చితి నెలకొంది. కానీ ఇంగ్లాండ్ క్రికెటర్లు లంకకు చేరుకోవడం వల్ల సిరీస్​పై ఆశలు నిలిచాయి. ప్రస్తుతం లంకకు చేరుకున్న ఇంగ్లీష్ ఆటగాళ్లకు ఎయిర్​పోర్ట్​లో కొవిడ్ టెస్టులు నిర్వహించారు. అనంతరం వీరు క్వారంటైన్​లో ఉండనున్నారు.