81 పరుగులకు ఇంగ్లాండ్​ ఆలౌట్​- భారత్​ లక్ష్యం 49

పింక్​ టెస్టు రెండో ఇన్నింగ్స్​లో ఇంగ్లాండ్​ 81 పరుగులకు ఆలౌటైంది. 25 పరుగులు చేసిన బెన్​ స్టోక్స్​ ఆ జట్టు టాప్​ స్కోరర్​గా నిలిచాడు. భారత బౌలర్లలో అక్షర్​ 5, అశ్విన్​ 4 వికెట్లు తీసుకున్నారు. 49 పరుగులు చేస్తే టీమ్​ఇండియా ఈ టెస్టులో విజయం సాధిస్తుంది.

అహ్మదాబాద్​ పింక్​ టెస్టు ఇంగ్లాండ్​ రెండో ఇన్నింగ్స్​లో 81 పరుగులకు ఆలౌటైంది. 49 పరుగులు చేస్తే టీమ్​ఇండియా విజయం సాధిస్తుంది. బెన్​ స్టోక్స్​ 25, జో రూట్​ 19 పరుగులు చేశారు. భారత బౌలర్లలో అక్షర్​ 5, అశ్విన్​ 4 వికెట్లు తీసుకున్నారు.

భారత్​ తొలి ఇన్నింగ్స్​ అనంతరం బ్యాటింగ్​ ఆరంభించిన రూట్​ సేన.. సున్నా పరుగులకే రెండు వికెట్లు వికెట్లు కోల్పోయింది. లోకల్​ బాయ్​ అక్షర్​ క్రావ్లేతో పాటు బెయిర్​ స్టోను ఒకే ఓవర్​లో పెవిలియన్​ పంపాడు.

అక్షర్​ 'ఐదు'ల విన్యాసం..

రవీంద్ర జడేజాకు గాయం కావడం వల్ల అతని స్థానంలో జట్టులోకి వచ్చిన అక్షర్​.. అద్భుత బౌలింగ్​తో ఇంగ్లాండ్​ నడ్డి విరిచాడు. ఆడుతున్నది రెండో టెస్టే అయినా నాలుగు ఇన్నింగ్స్​ల్లో మొత్తం మూడు సార్లు ఐదు వికెట్లతో మెరిశాడు. ఇప్పటివరకు 18 వికెట్లు తీశాడు అక్షర్.

400 క్లబ్​లో అశ్విన్​..

రెండో ఇన్నింగ్స్​లో ఆర్చర్​ వికెట్ తీసిన అశ్విన్​.. సుదీర్ఘ ఫార్మాట్​లో 400 వికెట్లు తీసిన భారత బౌలర్​గా నిలిచాడు.

ఇదీ చదవండి:ఐసీసీ కొవిడ్​ రూల్స్​పై ఆఫ్రిదీ అసంతృప్తి