కరోనా సంక్షోభం తర్వాత క్రికెట్ ప్రపంచంలో ఇంగ్లాండ్, వెస్టిండీస్ మధ్య తొలి మ్యాచ్ జరిగింది. ఈ మ్యాచ్లో విండీస్ జట్టు 4 వికెట్ల తేడాతో ఇంగ్లీష్ జట్టుపై విజయం సాధించింది. రెండు జట్ల మధ్య మూడు టెస్టుల సిరీస్లో తొలిపోరు రసవత్తరంగా ముగిసింది.
తొలిరోజు వర్షార్పణం
టెస్టు ప్రారంభమైన తొలి రోజు వర్షం కారణంగా అంతరాయం కలిగినా.. తర్వాతి రెండు రోజులు వెస్టిండీస్ ఆధిపత్యం చెలాయించింది. నాలుగో రోజు అనూహ్యంగా ఇంగ్లాండ్ పుంజుకున్నా.. మ్యాచ్ ఇంగ్లీష్ ఆటగాళ్ల చేతిలోకి వెళ్లకుండా కరీబియన్ ఆటగాళ్లు గట్టీ పోటీ ఇచ్చారు. చివరి రోజూ అదే విధమైన ప్రదర్శనతో విండీస్ బ్యాట్స్మెన్లు జట్టుకు విజయాన్ని తెచ్చి పెట్టారు.
నాలుగో రోజు ఆటముగిసే సమయానికి 8 వికెట్లు కోల్పోయి 170 పరుగుల ఆధిక్యంలో ఉంది ఇంగ్లీష్ జట్టు. మొదటి ఇన్నింగ్స్లో 204 రన్స్కే ఆలౌట్ అయ్యి.. 114 పరుగలు వెనుకబడి రెండో ఇన్నింగ్స్ను ప్రారంభించిన ఇంగ్లాండ్ 313 పరుగులకే కుప్పకూలిపోయింది. ఆ తర్వాత ఛేదనకు దిగిన విండీస్ జట్టు ఆది నుంచి నిలకడగా రాణిస్తూ.. విజయం సాధించింది.
నిలకడగా రాణించిన విండీస్
వెస్టిండీస్ జట్టు రెండో ఇన్నింగ్స్ ఆరంభంలోనే విలువైన నాలుగు వికెట్లు (బ్రాత్ వైట్, జాన్ కాంప్బెల్, షై హోప్, బ్రూక్స్) కోల్పొయినా.. ఆ తర్వాత క్రీజ్లోకి వచ్చిన బ్లాక్ వుడ్, రోస్టన్ చేజ్ మంచి భాగస్వామ్యాన్ని నెలకొల్పారు. బ్లాక్వుడ్ అర్ధ సెంచరీ జట్టు విజయానికి సహకరించింది.
ఆర్చర్ సత్తా చాటినా..
ఇంగ్లాండ్ బౌలింగ్లో జోఫ్రా ఆర్చర్ నాలుగు వికెట్లు పడగొట్టగా.. మార్క్ వుడ్ ఒక వికెట్ సాధించాడు. అయినా విండీస్ బ్యాట్స్మెన్లను నిలువరించడంలో ఇంగ్లీష్ బౌలర్లు విఫలమయ్యారు.
ఇంగ్లాండ్ తొలి ఇన్నింగ్స్: 204 వెస్టిండీస్ తొలి ఇన్నింగ్స్: 318
ఇంగ్లాండ్ రెండో ఇన్నింగ్స్: రోరీ బర్న్స్‌ (సి) క్యాంప్‌బెల్‌ (బి) చేజ్ 42; సిబ్లీ (సి) డౌరిచ్ (బి) గాబ్రియెల్ 50; డెన్లీ (సి) హోల్డర్ (బి) చేజ్ 29; క్రాలీ (సి) అండ్‌ (బి) జోసెఫ్‌ 76; స్టోక్స్ (సి) హోప్ (బి) హోల్డర్ 46; పోప్‌ (బి) గాబ్రియెల్ 12; బట్లర్ (బి) జోసెఫ్‌ 9; బెస్ (బి) గాబ్రియెల్ 3; ఆర్చర్ (సి) డౌరిచ్ (బి) గాబ్రియెల్ 23; వుడ్ (సి) డౌరిచ్ (బి) గాబ్రియెల్ 2; ఎక్స్ట్రాలు 17 మొత్తం: (112.2 ఓవర్లలో ఆలౌట్) 313
వికెట్ల పతనం:1-72, 2-113, 3-151, 4-249, 5-253, 6-265, 7-278, 8-279, 9-303, 10-313
బౌలింగ్: రోచ్‌ 22-8-50-0; గాబ్రియెల్ 21.2-4-75-5; హోల్డర్ 22-8-49-1; చేజ్ 25-6-71-2; జోసెఫ్‌ 18-2-45-2; బ్రాత్‌వైట్‌ 3-0-9-0
వెస్టిండీస్ రెండో ఇన్నింగ్స్: బ్రాత్ వైట్ (బి) ఆర్చర్ 4; కాంప్బెల్ బ్యాటింగ్ 8; షై హోప్ (బి) వుడ్ 9; బ్రూక్స్ (ఎల్బీ) (బి) ఆర్చర్ 0; రోస్టన్ చేజ్ (సి) జోస్ బట్లర్ (బి) ఆర్చర్ 37; బ్లాక్ వుడ్ (సి) అండర్సన్ (బి) స్టోక్స్ 95; షేన్ డౌరిచ్ (సి) జోస్ బట్లర్ (బి) స్టోక్స్ 20; జాసన్ హోల్డర్ బ్యాటింగ్ 14; ఎక్స్ట్రాలు 13 మొత్తం: (64.1 ఓవర్లలో 6 వికెట్లు) 200
వికెట్ల పతనం: 1-7, 2-7, 3-27, 4-100, 5-168, 6-189
బౌలింగ్: జేమ్స్ అండర్సన్ 15-3-42-0; జోఫ్రా ఆర్చర్ 17-3-45-3; మార్క్ వుడ్ 12-0-36-1; డొమినిక్ బెస్ 10-2-31-0; బెన్ స్టోక్స్ 10.2-1-39-2
