ఇంగ్లాండ్​-వెస్టిండీస్ టెస్టుకు వర్షం అంతరాయం

ఇంగ్లాండ్​-వెస్టిండీస్​ తొలి టెస్టుకు వర్షం అంతరాయం కలిగింది. చిరుజల్లులు పడటం సహా మబ్బులు కమ్మేయడం వల్ల టాస్ ఆలస్యమైంది. కరోనా ప్రభావం ఉండటం వల్ల దీనిని, ప్రేక్షకులు లేకుండా బయో సెక్యూర్ వాతావరణంలో నిర్వహిస్తున్నారు.

కరోనా ప్రభావం​ తర్వాత జరుగుతున్న క్రికెట్​ సిరీస్​లోని తొలి మ్యాచ్​కు వరుణుడు అడ్డంకిగా నిలిచాడు. దీంతో టాస్​కు అంతరాయం కలిగింది. సౌతాంప్టన్​ వేదికగా జరగాల్సిన తొలి టెస్టు.. భారత కాలమానం ప్రకారం మధ్యాహ్నం 3:30 గంటలకు ప్రారంభం కావాల్సింది. కానీ చిరు జల్లులతో పాటు మబ్బులు కమ్మేయడం వల్ల వెలుతురు లేమి వల్ల మ్యాచ్​ నిర్వహణలో జాప్యం జరుగుతుంది.

అయితే ఈ మ్యాచ్​కు​ వర్షం అడ్డంకిగా నిలిచే అవకాశం ఉందని సౌతాంప్టన్​ వాతావరణ శాఖ ఇప్పటికే తెలిపింది. దీంతో దాదాపు నాలుగు నెలల నుంచి లైవ్ క్రికెట్ మ్యాచ్​ చూద్దామనుకున్న​ క్రికెట్​ ప్రేమికులకు కాస్త నిరాశే ఎదురైంది.

ఇదీ చూడండి... బయోసెక్యూర్​ వాతావరణంలో ఇంగ్లాండ్​ X విండీస్​ మ్యాచ్​