క్రికెట్లో హిట్ వికెట్గా ఔట్ కావడం అరుదుగా జరుగుతుంటుంది. కానీ శుక్రవారం జరిగిన ఇంగ్లండ్-పాకిస్థాన్ మ్యాచ్లో షోయబ్ మాలిక్ ఔటైన తీరు భిన్నంగా ఉంది. బంతిని ఆఫ్సైడ్ ఆడే క్రమంలో వికెట్లను బ్యాట్తో కొట్టాడీ క్రికెటర్. దీనిపై స్పందించిన నెటిజన్లు అతడిని విపరీతంగా ట్రోల్ చేస్తున్నారు.
గ్రౌండ్లో హిట్ వికెట్... నెట్లో ట్రోల్ టార్గెట్
శుక్రవారం ఇంగ్లాండ్తో జరిగిన మ్యాచ్లో పాక్ క్రికెటర్ షోయబ్ మాలిక్ హిట్ వికెట్గా వెనుదిరిగాడు. సామాజిక మాధ్యమాల్లో అతడిని విపరీతంగా ట్రోల్ చేస్తున్నారు నెటిజన్లు.
హిట్ వికెట్ వెనుదిరిగిన పాక్ క్రికెటర్
నాటింగ్హమ్లో జరిగిన ఈ మ్యాచ్లో భారీ స్కోర్లు నమోదయ్యాయి. పాక్పై మూడు వికెట్ల తేడాతో ఇంగ్లాండ్ విజయం సాధించింది. ఐదు మ్యాచ్ల వన్డే సిరీస్ను మరో మ్యాచ్ మిగిలుండగానే 3-0తో సొంతం చేసుకుంది. తొలి వన్డే వర్షం కారణంగా రద్దయింది.
పాకిస్థాన్ జట్టులో బాబర్ అజమ్ 115 పరుగులతో ఆకట్టుకోగా, ఛేదనలో ఇంగ్లీష్ బ్యాట్స్మెన్ జేసన్ రాయ్ 114, బెన్ స్టోక్స్ 71 పరుగులు చేసి విజయంలో కీలక పాత్ర పోషించారు.