కరోనా ఎఫెక్ట్​ : క్రికెట్​ సంబర్లాలో విచిత్ర అభివాదం

బంగ్లాదేశ్​లో​ జరుగుతున్న ఓ లీగ్​ మ్యాచ్​లో ఆట‌గాళ్లు వినూత్నంగా అభివాదం చేసుకున్నారు. ఒక‌రి మోచేతిని, మ‌రొక‌రు తాకుతూ సెలబ్రేషన్స్​ జరుపుకొన్నారు. ప్రస్తుతం ఈ వీడియో వైరల్​గా మారింది.

సాధారణంగా అభినందనలు చెప్పాలనుకున్నప్పుడు లేదా ఇంకేదైనా సందర్భంలో కరచాలనం చేస్తూ ఉంటారు. ప్రతి దేశంలోనూ ఇదే ఎక్కువగా చూస్తుంటాం. అయితే కరోనా ప్రభావంతో పరిస్థితి పూర్తిగా మారిపోయింది. వైరస్​ వ్యాప్తిని నిరోధించేందుకు కరచాలనాలను వినూత్నంగా ప్రయత్నిస్తున్నారు. షేక్​హ్యాండ్ ​లాగా షేక్​ లెగ్​ అని, ఒకరి మోచేతిని మరొకరు తాకడం, ఇలా ఎన్నెన్నో చేస్తున్నారు. ఇలాంటి సంఘటనే బంగ్లాదేశ్​లో​ జ‌రుగుతున్న ఢాకా ప్రీమియ‌ర్ డివిజ‌న్ లీగ్ క్ల‌బ్​లో చోటుచేసుకుంది.

ఈ మ్యాచ్​లో వికెట్​ పడిన తర్వాత సదరు క్రికెటర్లు షేక్ హ్యాండ్‌కు బదులు ఒక‌రి మోచేతిని, మ‌రొక‌రు తాకుతూ అభినంద‌న‌లు చెప్పుకున్నారు. ప్రస్తుతం ఈ వీడియో వైరల్​గా మారింది.

ఇప్ప‌టికే కరోనా​ వల్ల దాదాపు 7 వేల మందికిపైగా ప్రాణాలు కోల్పోయారు. ల‌క్షా 70 వేల‌మందికి ఈ వైరస్​ సోకింది. భారత్​లోనూ 140 అనుమానిత కేసులు న‌మోదయ్యాయి. ముగ్గురు చ‌నిపోయారు.

ఇదీ చూడండి : 'కరోనాతో నా కెరీర్​లో భిన్నమైన అనుభవం ఎదురైంది'