'నా సోదరుడు ధోనీకి ఈ పాట అంకితం'

టీమ్​ఇండియా మాజీ కెప్టెన్​ మహేంద్రసింగ్​ ధోనీ మైదానంలో అడుగుపెడితే అతడి అభిమానులకు పూనకమే. స్టేడియమంతా దద్దరిల్లేలా అతని నామస్మరణ జరుగుతుంది. ఎందుకంటే ధోనీకి ఉన్న అభిమాన సంపద అలాంటిది. అయితే చెన్నై సూపర్​కింగ్స్​ జట్టులోని ఆల్​రౌండర్​ డ్వేన్​ బ్రావో.. ధోనీ మీదున్న అభిమానాన్ని తాజాగా ఓ పాట రూపంలో చాటుకున్నాడు.

వెస్టిండీస్​ ఆల్​రౌండర్​ డ్వేన్ బ్రావో.. ధోనీపై తనకున్న అభిమానాన్ని చాటుకున్నాడు. టీమ్​ఇండియా మాజీ కెప్టెన్​ ధోనీపై ఓ పాటను రూపొందించాడు. ఈ వీడియోను ఐపీఎల్​ జట్టు చెన్నై సూపర్​కింగ్స్ యాజమాన్యం​ తమ ట్విట్టర్​ ఖాతాలో పోస్ట్​ చేసింది.

ఈ వీడియోలో ధోనీని బ్రావో.. "బ్రదర్​ ఫ్రమ్​ అనదర్​ మదర్​" అనే మాటలను హాస్యాస్పదంగా పలికాడు. భారత్​లో మహీ, రాంచీలో ధోనీ, చెన్నైలో తలా అని అభిమానులు స్టేడియాల్లో ధోనీని స్మరిస్తారని ఈ పాటలో తెలియజేశాడు. ధోనీ ప్రపంచాన్ని జయిస్తాడని అందులో వెల్లడించాడు.

బ్రావో.. 2011 నుంచి ఐపీఎల్​లో చెన్నై సూపర్​కింగ్స్​ జట్టుకు ప్రాతినిధ్యం వహిస్తున్నాడు. సీఎస్​కేకు 104 మ్యాచ్​లు ఆడి 121 వికెట్లు సాధించాడు. రెండు సార్లు(2013,2015) పర్పుల్​ క్యాప్​ దక్కించుకున్నాడు.

ఇదీ చూడండి..'నాకంటే వీడియో గేమ్స్ ఎక్కువా.. మహీ'