స్మిత్​ బ్యాటింగ్​ను అనుకరించిన బీమౌంట్

ఇంగ్లాండ్ మహిళా క్రికెటర్​ బీమౌంట్  ఆసీస్ ఆటగాడు స్మిత్​ బ్యాటింగ్​ను అనుకరించింది. ఈ వీడియో ప్రస్తుతం నెట్టింట వైరల్​గా మారింది.

ఇంగ్లాండ్​-ఆస్ట్రేలియా మధ్య యాషెస్ రెండో టెస్టు రసవత్తరంగా సాగుతోంది. ఈ సిరీస్​లో ఆసీస్ బ్యాట్స్​మెన్ స్మిత్ సత్తాచాటుతున్నాడు. తన డిఫెన్స్​ స్కిల్స్​తో ఇంగ్లీష్ బౌలర్ల సహనానికి పరీక్ష పెడుతున్నాడు. దీనిపై నెట్టంట ట్రోల్స్​ సందడి చేస్తున్నాయి. తాజాగా ఇంగ్లాండ్ మహిళా క్రికెటర్ టామీ బీమౌంట్​ స్మిత్ బ్యాటింగ్ శైలిని అనుకరిస్తున్న ఓ వీడియో సామాజిక మాధ్యమాల్లో వైరల్​గా మారింది.

టామీ బీమౌంట్.. ఇంగ్లాండ్ మహిళా వికెట్ కీపర్, బ్యాట్స్​మెన్. తన ఆటతో విజ్డెన్ క్రికెటర్​ ఆఫ్​ ద ఇయర్​గానూ ఎంపికైంది.

యాషెస్ రెండో టెస్టులో స్మిత్ 92 పరుగులతో ఆకట్టుకున్నాడు. రెండుసార్లు గాయమైనా బ్యాటింగ్ చేసి ఆటమీదున్న మక్కువను చాటుకున్నాడు. కానీ.. ఈ సిరీస్​లో స్మిత్​ డిఫెన్స్​పై సెటైర్లు వేస్తున్నారు ఇంగ్లాండ్​ అభిమానులు. బంతుల్ని వదిలేస్తూ క్రీజులో అతడు కదులుతున్న తీరుపై వ్యంగ్యాస్త్రాలు సంధిస్తున్నారు.

ఇవీ చూడండి.. యాషెస్​లో స్మిత్​ ఆట​పై అదిరే సెటైర్లు