ఆస్ట్రేలియా పర్యటనకు వెళ్లే భారత జట్టులో ముంబయి ఇండియన్స్‌ ఆటగాడు సూర్యకుమార్ యాదవ్కు చోటు దక్కకపోవడంపై సీనియర్ ఆటగాడు హర్భజన్ సింగ్ తీవ్ర స్థాయిలో మండిపడ్డాడు. అతడిని పరిగణలోకి తీసుకోకపోవడాన్ని ఖండించాడు. ఈ మేరకు బీసీసీఐ సెలక్షన్ కమిటీ తీరును విమర్శిస్తూ ట్వీట్ చేశాడు.
"సూర్యకుమార్ ఇంకేమి నిరూపించుకోవాలో తెలియడం లేదు. అతడికి టీమ్ఇండియాలో ఎంపికయ్యే అన్ని అర్హతలు ఉన్నాయి. ప్రతి ఐపీఎల్, రంజీ సీజన్‌లో అత్యుత్తమ ప్రదర్శన ఇస్తున్నాడు. మన సెలక్షన్ కమిటీలో ఒక్కొక్కరికీ ఒక్కో రకమైన రూల్‌ను అవలంబిస్తున్నారు. ఇందుకు ఇదే నిదర్శనం. సెలక్టర్లు.. కనీసం అతని రికార్డులను ఓ సారి పరిశీలించాలని నా విజ్ఞప్తి."