టీ20 ప్రపంచకప్ జట్టులో ధోనీ స్థానంపై అనుమానం వ్యక్తం చేశారు టీమ్ఇండియా మాజీ క్రికెటర్లు శ్రీకాంత్, గంభీర్. ఈ ఏడాది ఐపీఎల్ జరగకపోతే తను జట్టులోకి రావటానికి అవకాశాలు పూర్తిగా మందగిస్తాయని అభిప్రాయం వ్యక్తం చేశారు.
"ఈ ఏడాది ఐపీఎల్ నిర్వహించక పోతే ధోనీ జట్టులోకి వచ్చే అవకాశాలు సన్నగిల్లుతాయి . సూటిగా చెప్పాలంటే కేఎల్ రాహుల్ అటు బ్యాట్స్మన్గా, వికెట్ కీపర్గా మంచి ప్రతిభ కనబరుస్తున్నాడు. రిషబ్ పంత్ను కొంతమేర పరిశీలించాల్సి ఉన్నా.. అతడూ ఉత్తమ ప్రదర్శన చేయగలడు. ధోనీని జట్టులోకి తీసుకోవద్దనే ఆలోచన నాలో లేదు కానీ, అతడి ఎంపిక ఐపీఎల్ ప్రదర్శనపై ఆధారపడి ఉంటుంది. నేను భారత జట్టు సెలక్షన్ కమిటీ ఛైర్మన్ అయితే ఏం జరిగి ఉండేదో చెప్తున్నా. అంతే తప్ప దీనిపై నేను ఎలాంటి రాయబారాలు చేయటం లేదు."
-శ్రీకాంత్, టీమ్ఇండియా మాజీ క్రికెటర్