విండీస్పై టీ20 సిరీస్ను క్లీన్ స్వీప్ చేసిన టీమిండియా.. వన్డే సిరీస్‌పై దృష్టి సారించింది. వెస్టిండీస్‌తో జరుగుతోన్న మూడు వన్డేల సిరిస్‌లో ఇప్పటికే కోహ్లీసేన 1-0 ఆధిక్యంలో ఉంది. ఈ సిరీస్లో చివరి వన్డే నేడు పోర్ట్ ఆఫ్ స్పెయిన్ వేదికగా జరగనుంది.
ధావన్ ఫామ్పై ఆందోళన
ప్రపంచకప్లో గాయం కారణంగా వైదొలిగిన టీమిండియా ఓపెనర్ శిఖర్ ధావన్ ఫామ్ ఆందోళన కలిగిస్తోంది. మూడు టీ20ల సిరీస్లో 1, 23, 3 పరుగులతో నిరాశపరిచిన ఈ ఓపెనింగ్ బ్యాట్స్మెన్ రెండో వన్డేలో కేవలం రెండు పరుగులకే పరిమితమయ్యాడు. మొదటి వన్డే వర్షం కారణంగా రద్దయింది. ఈ నేపథ్యంలో చివరి వన్డేలో సత్తా చాటాలని భావిస్తున్నాడు శిఖర్.
టీమిండియా సారథి కోహ్లీ రెండో వన్డేలో సెంచరీతో చెలరేగాడు. 11 ఇన్నింగ్స్‌ల తర్వాత శతకం బాది జోరుమీదున్నాడు. రోహిత్తో పాటు యువ ఆటగాడు శ్రేయస్ అయ్యర్ మంచి ఫామ్లో ఉన్నాడు. టీ20 సిరీస్లో విఫలమైన పంత్ రెండో వన్డేలోనూ నిరాశపరిచాడు. ఈ మ్యాచ్లో సత్తాచాటడం పంత్కు చాలా అవసరం.
బౌలింగ్లో భువనేశ్వర్, షమీ మంచి ప్రదర్శన కనబరుస్తున్నారు. రెండో వన్డేలో భువీ (4/31) రాణించి జట్టు విజయంలో కీలకపాత్ర పోషించాడు. మహ్మద్‌ షమీ (2/39) ఫర్వాలేదనిపించాడు. కుల్దీప్ యాదవ్‌ (2/59) వికెట్లు తీసినప్పటికీ భారీగా పరుగులు సమర్పించుకోవడం జట్టును ఆందోళనకు గురిచేస్తోంది. ఈ మ్యాచ్లో యువ బౌలర్ సైనీకి చోటు లభించే అవకాశం ఉంది.
ఇప్పటికే టీ20 సిరీస్ కోల్పోయిన వెస్టిండీస్ జట్టు ఈ మ్యాచ్లో గెలిచి వన్డే సిరీస్ను కాపాడుకోవాలని భావిస్తోంది. ఆతిథ్య జట్టు బ్యాటింగ్, బౌలింగ్లో మరింతగా మెరుగవ్వాల్సిన అవసరం ఉంది. షై హోప్, హెట్మయర్, నికోలస్ పూరన్లు ఆశించినంతగా రాణించలేకపోతున్నారు. రెండో వన్డేలో ఎవిన్ లూయిస్ అర్ధశతకంతో ఆకట్టుకున్నాడు. పూరన్ 42 పరుగులతో ఫర్వాలేదనిపించాడు.