వచ్చే ఏడాది జరగనున్న ఐపీఎల్ ఆటగాళ్ల బదిలీలకు సంబంధించి గడువు ముగిసింది. పలు ఫ్రాంఛైజీలు కొంతమంది ఆటగాళ్లను ట్రేడింగ్ ద్వారా సొంతం చేసుకున్నాయి. ట్రేడింగ్‌లో భాగంగా దిల్లీ క్యాపిటల్స్ సీనియర్ ఆటగాళ్లు అజింక్యా రహానే, రవిచంద్రన్ అశ్విన్‌లను సొంతం చేసుకుంది. ఈ కారణంగా కెప్టెన్సీపై పలు వార్తలు వచ్చాయి. రహానే, అశ్విన్లలో ఎవరికో ఒకరికి బాధ్యతలు అప్పజెప్పుతారన్న పుకార్లు వినిపించాయి. వీటన్నింటిపై దిల్లీ యాజమాన్యం స్పష్టత ఇచ్చింది.
దిల్లీ క్యాపిటల్స్ తన ట్విట్టర్ ఖాతాలో ఓ వీడియోని పోస్టు చేస్తూ " మా కెప్టెన్ ఫెంటాస్టిక్, వచ్చే సీజన్‌ కోసం ఎంతో ఆత్రుతగా ఉన్నాడు. అనుభవజ్ఞులైన సూపర్ స్టార్లను జట్టులో చేర్చాం. అలాగే త్వరలో వేలం జరగబోతుంది కాబట్టి.. మన కెప్టెన్ అద్భుతమైన జట్టుని అన్ని విధాలా నడిపించగలడా?" అంటూ చెప్పుకొచ్చింది.