ఇంగ్లాండ్తో జరగనున్న తొలి రెండు టెస్టులకు టీమ్ఇండియా యువ పేసర్ టి.నటరాజన్ దూరంగా ఉండనున్నాడు. ఆరు నెలలుగా సుదీర్ఘ పర్యటనలో ఉన్న నటరాజన్.. ప్రస్తుతం కుటుంబంతో సమయాన్ని గడుపుతున్నాడు. ఈ నేపథ్యంలో టీమ్ఇండియా డ్రెస్సింగ్ రూమ్ను చాలా మిస్ అవుతున్నట్లు తెలిపాడు.
"కొన్ని నెలలుగా పర్యటనలతో బిజీగా ఉండటం వల్ల ప్రస్తుతం డ్రెస్సింగ్ రూమ్ను మిస్ అవుతున్నా. కానీ, ఇదే సమయంలో బ్రేక్ తీసుకోవడం అవసరమని నాకు తెలుసు. ఆరునెలలుగా నా కుటుంబానికి తగిన సమయాన్ని కేటాయించలేకపోయా. కాబట్టి ఈ విశ్రాంతికి సంతృప్తిగా ఉన్నా. అదే విధంగా చెన్నైలో ఇంగ్లాండ్తో ఆడునున్న మ్యాచ్లో నేను ఆడకపోవడం వల్ల కొంత నిరాశకు లోనయ్యా."
- నటరాజన్, టీమ్ఇండియా పేసర్
భారత్ తరఫున జాతీయ జట్టులో అవకాశం దక్కించుకోవడం సహా.. తనపై పడే పనిభారాన్ని తగ్గించుకునేందుకు తగిన విధంగా సమయాన్ని సర్దుబాటు చేసుకుంటున్నానని నటరాజన్ అన్నాడు. "జాతీయ జట్టు తరఫున అన్ని ఫార్మాట్లలో ఆడుతూనే నాపై ఉన్న పనిభారాన్ని తగ్గించుకునేందుకు చూసుకుంటా. రాబోయే మ్యాచ్ల కోసం ఓర్పుతో ప్రాక్టీసు చేస్తా. నా జీవితంలో ఆరు నెలలు నిర్విరామంగా క్రికెట్కు సమయాన్ని వెచ్చించడం ఇదే తొలిసారి. లాక్డౌన్లో బాగా ప్రాక్టీసు చేశాను. దాని వల్ల ఐపీఎల్, ఆస్ట్రేలియా పర్యటనకు పనిభారాన్ని తగ్గించుకునేందుకు సహాయపడింది" అని తెలిపాడు నట్టూ.
ఇదీ చూడండి:గిల్.. ఓ లెజెండ్ క్రికెటర్గా ఎదుగుతాడు: హాగ్
