చిన్నారి అభిమానికి వార్నర్ అనుకోని బహుమతి

ఓ చిన్నారి అభిమానికి తన గ్లౌవ్స్​ బహుమతిగా ఇచ్చాడు ఆసీస్​ క్రికెటర్ డేవిడ్ వార్నర్. ఆదివారం శ్రీలంకతో మ్యాచ్​ కోసం ప్రాక్టీస్​ చేస్తుండగా ఈ సన్నివేశం చోటుచేసుకుంది.

ఆడిలైడ్​లో ఆదివారం శ్రీలంకతో జరిగిన టీ20​లో 134 పరుగుల భారీ తేడాతో ఆసీస్ గెలిచింది. ఓపెనర్ వార్నర్​​ సెంచరీతో అదరగొట్టాడు. అయితే ఈ మ్యాచ్​కు హాజరైన ఓ చిన్నారి అభిమానికి అనుకోని బహుమతి ఇచ్చాడీ క్రికెటర్.

మ్యాచ్​ సందర్భంగా ప్రాక్టీసు చేసిన అనంతరం వార్నర్.. డ్రెస్సింగ్​ రూంకు వెళుతూ అక్కడే ఉన్న ఓ చిన్నారి అభిమానికి తన గ్లౌవ్స్​ బహుమతిగా ఇచ్చేశాడు. దీనిని ఊహించని ఆ పిల్లాడు ఆశ్చర్యానికి గురయ్యాడు. ఈ వీడియో ఇప్పుడు వైరల్​గా మారింది.

ఈ మ్యాచ్​లో శతకం చేసిన వార్నర్.. మూడు ఫార్మాట్లలో సెంచరీ చేసిన మూడో ఆస్ట్రేలియా బ్యాట్స్​మెన్​గా నిలిచాడు. అదే విధంగా టీ20ల్లో అతడికిదే తొలి శతకం.

సెంచరీ చేసిన అనంతరం వార్నర్ అభివాదం

ఇది చదవండి: ఈ సైకిల్​ పోటీలు చూస్తే.. చూపు తిప్పుకోలేరు!​