మందు తాగే గ్లాస్​తో వార్నర్ సంగీత సాధన

మరో కొత్త వీడియో పోస్ట్ చేసిన వార్నర్.. మందు గ్లాస్, వంటకు ఉపయోగించే వస్తువులను ఇందులో ఉపయోగించాడు.

టిక్​టాక్​లతో అదరగొడుతున్న వార్నర్.. మరోసారి ఆకట్టుకునే వీడియో చేశాడు. ఇందులో భాగంగా వైన్ గ్లాస్, వంట వస్తువులు ఉపయోగించి సంగీత సాధన చేస్తూ కనిపించాడు. దీనిని తన ఇన్​స్టాలో పంచుకున్నాడు. ఇంకేవైనా ఆలోచనలు ఉంటే తనకు చెప్పండని నెటిజన్లను కోరాడు.

లాక్​డౌన్​తో క్రికెట్ మ్యాచ్​లు నిలిచిపోవడం వల్ల ఇంటికే పరిమితమయ్యాడు వార్నర్. ఈ సమయాన్ని కుటుంబంతో సరదాగా ఎంజాయ్ చేస్తున్నాడు. ఇటీవలే తన భార్య క్యాండీ, కూతుళ్లతోనూ టిక్​టాక్ చేస్తూ అలరించాడు.

ఐపీఎల్​లో సన్​రైజర్స్​ హైదరాబాద్​కు సారథ్యం వహిస్తున్నాడు వార్నర్. ఈ టోర్నీలో మొత్తంగా 126 మ్యాచ్​లాడి 43.17 సగటుతో 4,706 పరుగులు చేశాడు.