'టాప్​ లేచిపోద్ది' అంటోన్న డేవిడ్ వార్నర్

ఆస్ట్రేలియా క్రికెటర్​ డేవిడ్​ వార్నర్​ మరో టిక్​టాక్ వీడియో షేర్ చేశాడు. 'ఇద్దరమ్మాయిలతో' సినిమా నుంచి 'టాప్​లేచిపోద్ది' పాటకు వీడియో జత చేసి పోస్ట్ చేశాడు.

ఆస్ట్రేలియా క్రికెటర్ డేవిడ్ వార్నర్​ లాక్​డౌన్ సమయంలో జాలీగా గడుపుతున్నాడు. కుటుంబంతో కలిసి టిక్​టాక్ వీడియోలు చేస్తూ అభిమానుల్లో జోష్ నింపుతున్నాడు. తాజాగా అల్లు అర్జున్​ 'ఇద్దరమ్మాయిలతో' చిత్రంలోని 'టాప్​ లేచిపోద్ది' పాటకు​ టిక్​టాక్ చేసి పోస్ట్​ చేశాడు. ఇందులో వార్నర్​.. భార్య క్యాండిస్, కుమార్తెలతో కలిసి స్టెప్పులేస్తూ సందడి చేశాడు. ప్రస్తుతం ఈ వీడియో నెటిజెన్లను విపరీతంగా ఆకట్టుకుంటోంది.

ఇంతకుముందు మహేశ్​బాబు నటించిన 'సరిలేరు నీకెవ్వరు' సినిమాలోని 'మైండ్​బ్లాక్' పాటకు తన భార్యతో కలిసి చిందేసి ఆకట్టుకున్నాడు వార్నర్​. తన కంటే క్యాండిస్​(వార్నర్ భార్య) బాగా డ్యాన్స్ చేసిందని రాసుకొచ్చాడు. 'బుట్టబొమ్మ', 'రాములో రాములా', 'పక్కా లోకల్' వంటి గీతాలకూ చిందేసి అలరించాడు. వీటితో పాటే పలు హిందీ పాటలకు కాలు కదిపాడు. ఈ వీడియోలన్నీ సోషల్ మీడియాలో తెగ వైరల్​గా మారాయి.

ఇదీ చూడండి:రామ్​గోపాల్ వర్మ కొత్త చిత్రం 'పవర్ స్టార్'